Aholini ichimlik suvi bilan taʼminlash borasida amalga oshiriladigan ishlar yuzasidan yigʻilish boʻlib oʻtdi
Yer yuzida aholini toza ichimlik suvi bilan taʼminlash dolzarb masala boʻlib turgan bir vaqtda mamlakatimizda ham bu muammoni hal qilish borasida keng koʻlamli ishlar qilinmoqda.
Joriy yilning 25-dekabr kuni Amudaryo tumani hokimligining kichik majlislar zalida aholini ichimlik suvi bilan taʼminlash borasida amalga oshiriladigan ishlar yuzasidan yigʻilish boʻlib oʻtdi.
Yigʻilishda Senatning Agrar, suv xoʻjaligi masalalari va ekologiya qoʻmitasi raisi Baxadir Tajiyev, Osiyo taraqqiyot banki ishtirokida “Oʻzbekistonning gʻarbiy qismida ichimlik suv taʼminoti tizimlarini rivojlantirish” loyihasining konsultantlar guruhining menejeri Yun Be Kang, “Qoraqalpoq suv taʼminoti” MChJ investitsiya boʻlimi boshligʻi A.Tadjimbetovlar ishtirok etdi.
Yigʻilishda qayd etilishicha, Oʻzbekiston Respublikasi Prezidentining 2019-yil 9-apreldagi PQ-4271-sonli qaroriga asosan 2020-2023-yillarda Osiyo taraqqiyot banki ishtirokida “Oʻzbekistonning gʻarbiy qismida ichimlik suvi taʼminoti tizimlarini rivojlantirish” loyihasini amalga oshirish belgilangan.
Ushbu loyiha doirasida Qoraqalpogʻiston Respublikasining Nukus, Beruniy, Moʻynoq, Qoʻngʻirot, Qoraoʻzak va Amudaryo tumanlari aholisining ichimlik suvi taʼminotini yaxshilash maqsadida Qipchok ovuli hududiga sutkasiga 35 ming kub metrlik suv tozalash inshooti, Kuyuk koʻpir ovuli hududida yangidan suv taqsimlash inshootini qurish, Oʻrta qalʼa ovuli hududida RU-1 suv taqsimlash inshootini rekonstruktsiya kilish, Doʻrman ovuli hududida Y.Oʻrozbayev suv taqsimlash inshootini rekonstruktsiya qilish, Xolimbeg ovuli hududida Qilichboy suv taqsimlash inshootini rekonstruktsiya qilish hamda tuman hududida 54,3 km magistral suv tarmogʻi, 236,5 km koʻcha suv tarmoqlari qurish hamda rekonstruktsiya qilish kabi ishlarni amalga oshirish rejalashtirilgan.
Yigʻilishda loyihani amalga oshirish natijasida tuman boʻyicha 160 ming nafardan ortiq aholining ichimlik suvi taʼminoti yaxshilanishi va tumanda aholining ichimlik suvi bilan taʼminlanganlik darajasi 80 foizga yetkazilishi kutilayotganligi, bugungi kunda “Royal dizayn loyiha” MChJ tomonidan loyiha-smeta hujjatlarini ishlab chiqish ishlari olib borilayotganligi maʼlum qilindi.
Fotima Eshimbetova
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
