Аҳолини ичимлик суви билан таъминлаш борасида амалга ошириладиган ишлар юзасидан йиғилиш бўлиб ўтди
Ер юзида аҳолини тоза ичимлик суви билан таъминлаш долзарб масала бўлиб турган бир вақтда мамлакатимизда ҳам бу муаммони ҳал қилиш борасида кенг кўламли ишлар қилинмоқда.
Жорий йилнинг 25 декабрь куни Амударё тумани ҳокимлигининг кичик мажлислар залида аҳолини ичимлик суви билан таъминлаш борасида амалга ошириладиган ишлар юзасидан йиғилиш бўлиб ўтди.
Йиғилишда Сенатнинг Аграр, сув хўжалиги масалалари ва экология қўмитаси раиси Бахадир Тажиев, Осиё тараққиёт банки иштирокида “Ўзбекистоннинг ғарбий қисмида ичимлик сув таъминоти тизимларини ривожлантириш” лойиҳасининг консультантлар гуруҳининг менежери Юн Бэ Канг, “Қорақалпоқ сув таъминоти” МЧЖ инвестиция бўлими бошлиғи А.Таджимбетовлар иштирок этди.
Йиғилишда қайд этилишича, Ўзбекистон Республикаси Президентининг 2019 йил 9 апрелдаги ПҚ-4271-сонли қарорига асосан 2020-2023 йилларда Осиё тараққиёт банки иштирокида “Ўзбекистоннинг ғарбий қисмида ичимлик суви таъминоти тизимларини ривожлантириш” лойиҳасини амалга ошириш белгиланган.
Ушбу лойиҳа доирасида Қорақалпоғистон Республикасининг Нукус, Беруний, Мўйноқ, Қўнғирот, Қораўзак ва Амударё туманлари аҳолисининг ичимлик суви таъминотини яхшилаш мақсадида Қипчок овули ҳудудига суткасига 35 минг куб метрлик сув тозалаш иншооти, Куюк кўпир овули ҳудудида янгидан сув тақсимлаш иншоотини қуриш, Ўрта қалъа овули ҳудудида РУ-1 сув тақсимлаш иншоотини реконструкция килиш, Дўрман овули ҳудудида Й.Ўрозбаев сув тақсимлаш иншоотини реконструкция қилиш, Холимбег овули ҳудудида Қиличбой сув тақсимлаш иншоотини реконструкция қилиш ҳамда туман ҳудудида 54,3 км магистрал сув тармоғи, 236,5 км кўча сув тармоқлари қуриш ҳамда реконструкция қилиш каби ишларни амалга ошириш режалаштирилган.
Йиғилишда лойиҳани амалга ошириш натижасида туман бўйича 160 минг нафардан ортиқ аҳолининг ичимлик суви таъминоти яхшиланиши ва туманда аҳолининг ичимлик суви билан таъминланганлик даражаси 80 фоизга етказилиши кутилаётганлиги, бугунги кунда “Рояль дизайн лойиҳа” МЧЖ томонидан лойиҳа-смета ҳужжатларини ишлаб чиқиш ишлари олиб борилаётганлиги маълум қилинди.
Фотима Эшимбетова
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
