Oq oltin ovulida ovoz berish jarayoni davom etmoqda
Saylovoldi targʻibot-tashviqot ishlari namunali olib borilganligi tufayli Oq oltin ovulidagi 50-sonli maktabda joylashgan 133-sonli saylov uchastkasiga ham saylovchilar ertalabdan kela boshlashdi. Ovoz berish jarayoni soat 8-00dan karantin qoidalariga toʻla rioya qilingan holda uyushqoqlik bilan boshlandi.
Saylov uchastkasi tomon shoshib kelayotgan turli yoshdagi saylovchilarning yuz-koʻzlarida yurt kelajagiga daxldorlik hissi ufurib turibdi. Ular mamlakatimizning kelajagi yana ham porloq xalqi farovon boʻlishi uchun eng munosib deb bilgan nomzodiga ovoz bermoqdalar.
Uchastka hududida jami 2363 nafar saylovchi bor. Shuning 53 nafari birinchi marta saylovda ishtirok etishmoqda. 15 nafar saylov uchastkasiga kelish imkoniyatiga ega boʻlmagan keksa va nogironligi bor saylovchilarning yashash xonadonlariga borib saylovda ovoz berishi taʼminlanadi.
Atrofdagi yoʻlaklar taʼmirlanib, chor-atrofi obodonlashtirilib, saylovchilarning bemalol kelib, oʻz tanlagan nomzodlariga ovoz berishiga sharoit yaratilgan uchastkada Prezident saylovi uyushqoqlik bilan oʻtmoqda.
Ayni soatlargacha saylovchilarning asosiy qismi saylov uchastkasiga tashrif buyurib, oʻz konstitutsiyaviy burchlaridan foydalangan holda mamlakatimiz kelajagi uchun munosib nomzodga ovoz berdilar.
Oygul RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
