Оқ олтин овулида овоз бериш жараёни давом этмоқда
Сайловолди тарғибот-ташвиқот ишлари намунали олиб борилганлиги туфайли Оқ олтин овулидаги 50-сонли мактабда жойлашган 133-сонли сайлов участкасига ҳам сайловчилар эрталабдан кела бошлашди. Овоз бериш жараёни соат 8-00дан карантин қоидаларига тўла риоя қилинган ҳолда уюшқоқлик билан бошланди.
Сайлов участкаси томон шошиб келаётган турли ёшдаги сайловчиларнинг юз-кўзларида юрт келажагига дахлдорлик ҳисси уфуриб турибди. Улар мамлакатимизнинг келажаги яна ҳам порлоқ халқи фаровон бўлиши учун энг муносиб деб билган номзодига овоз бермоқдалар.
Участка ҳудудида жами 2363 нафар сайловчи бор. Шунинг 53 нафари биринчи марта сайловда иштирок этишмоқда. 15 нафар сайлов участкасига келиш имкониятига эга бўлмаган кекса ва ногиронлиги бор сайловчиларнинг яшаш хонадонларига бориб сайловда овоз бериши таъминланади.
Атрофдаги йўлаклар таъмирланиб, чор-атрофи ободонлаштирилиб, сайловчиларнинг бемалол келиб, ўз танлаган номзодларига овоз беришига шароит яратилган участкада Президент сайлови уюшқоқлик билан ўтмоқда.
Айни соатларгача сайловчиларнинг асосий қисми сайлов участкасига ташриф буюриб, ўз конституциявий бурчларидан фойдаланган ҳолда мамлакатимиз келажаги учун муносиб номзодга овоз бердилар.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
