MARRAGA YaQINLAŞAYoTGAN FERMERLAR

Ayni kunlarda butun mamlakatimizda paxtakor dehqonlar uçun ğalvir suvdan kötariladigan palla – “Paxta - 2021” kampaniyasi qizğin davom etmoqda. Paxtakorlarga beminnat xizmat körsatiş, yiğim-terimda iştirok etayotgan ijaraçi-dehqonlar va köngilli haşarçilarning vaqtida tuşlik qilişlari, tergan paxtalarini muammosiz tarozida tortib oliş, dala boşida köngilli tuşlik qiluvçilar uçun yaratilgan şart-şaroitlar tufayli paxtaçilik fermer xöjaliklarida terim surʼati tobora oşmoqda.

Amudaryo tumanidagi “Tölqin” ovulida ham yiğim-terim kampaniyasi yuksak taşkilotçilik va jipslik bilan davom etmoqda. Ovul hududida 13 ta paxtaçilik fermer xöjaliklari bölib, erta bahorda 625 gektar maydonga çigit ekildi. Ğöza vegetatsiyasi davrida barça mavsum işlari agrotexnika qoidalariga muvofiq amalga oşirildi.

Mazkur dehqonçilik yilining avvalgi yillarga nisbatan ança qurğoqçil kelişi fermer xöjaliklari rahbarlari va ijaraçi-dehqonlarni ança qiynab qöydi. Şunday murakkab şaroitda ham har qatra suvning qadriga yetib, ğözani suğoriş, oziqlantiriş işlarini keça-yu kunduz, aniq reja asosida taşkil etgan fermerlar va fermer xöjaliklari mutaxassislari hamda ijaraçi dehqonlarning bugungi yetiştirilgan hosildan köngillari töq.

Ovul böyiça davlatga 625 gektar yerdan şartnomadagi 1930 tonna paxta topşiriş niyatida mehnat qilayotgan tölqinliklar ayni paytda dalalaridan kuniga 70-80 tonnalik yuqori sifatli paxta terib olişga erişmoqdalar. Fermer xöjaliklari dalalarida har kuni 850-900 nafar terimçi iştirok etişmoqda.

Tölqinlik fermerlar paxta yiğim-terimi bilan birga 510 gektar maydonda kuzgi buğdoy ekiş işlarini barvaqt yakunlab, ayni paytda bir tekis  unib çiqqan buğdoy maysalarini zararkunanda haşarotlardan himoya qiliş, buğdoyzorlarda zararkunandalarga qarşi işlov beriş kabi mavsum yumuşlarini ham sifatli amalga oşirişmoqda.

Ovul hududidagi “Ahmedov Rajabboy” fermer xöjaligiga Rufat Ahmedov rahbarlik qiladi. Erta bahorda 90 gektar yerga serhosil va ertapişar “Sulton” navli çigit ekkan xöjalik dehqonlari ayni kunlarda yil böyi qilingan samarali mehnatlari mevasi şartnomadagi 288 tonnalik yuksak hosil xirmonini yaratiş niyatida fidoyilik bilan mehnat qilişmoqda. Paxta yiğim-terimida 82 nafar ijaraçi-işçilardan taşqari, tölqinlik köngilli haşarçi-yoşlar ham iştirok etişmoqda.

Yiğim-terim işlarining töğri  taşkil etilgani, terimçilar va köngilli haşarçilar uçun yaratilgan şart-şaroitlar, terilgan har bir kilo paxta uçun iş haqlari öz vaqtida hisob-kitob qilinib, borilayotgani tufayli terim surʼati yuqori.

Fermer xöjaligida paxtaçilikdan taşqari, ğallaçilik sohasida ham salmoqli natijalarga erişilmoqda. Ayni kunda 25 gektar maydondagi kuzgi buğdoyzorlarda nihollar bir tekis unib çiqib, baravj ösmoqda.

Xöjalikning paxta dalalari esa ijaraçi-dehqonlar va tölqinlik köngilli haşarçilar uçun çinakkam rizq-röz va baraka manbaiga aylangan. Terilgan paxtasi uçun öz vaqtida iş haqlarini hisob-kitob qilib olayotgan terimçilarning kayfiyatlari baland. Bu esa paxta yiğim-terimining kunlik ösişini taʼminlamoqda. Fermer xöjalining ilğor terimçilari Gulsara Yernazarova hamda Gulbahor Töraboyevalar kuniga 150-170 kilogrammdan paxta terişmoqda.

Oq oltin ovulidagi Davronbek Xolmenov rahbarligidagi “Gavhar Yoqubova”  fermer xöjaligi dalalarida ham yiğim-terim mavsumi hamjihatlik bilan olib borilmoqda.

Joriy dehqonçilik yilida 90 gektar yerga “Manğit-1” navli çigit ekkan xöjalik dehqonlari 287 tonnalik xirmon kötariş niyatida fidoyilik bilan mehnat qilişmoqda. Ayni paytda 150 nafar terimçi xöjalik dalalaridan kuniga 10-15 tonna paxtani yiğib-terib davlatga topşirayotgan fermer xöjaligi işçilarining şahdlari baland. Ular 287 tonnalik şartnomaviy rejalarini yana bir haftaga uddalaşga ahd qilişgan.

Ilğor terimçilardan Sabohatxon Ismoilova hamda Sayyoraxon Şomurodovalar kuniga 120-130 kilogrammdan paxta terişib, tengdoşlariga örnak bölişmoqda.

Robiya Yöldoşeva.