HAYDOVÇILIK KURSIDA ÖQIYoTGAN 50 NAFAR YoŞGA TÖLOV MABLAĞINING 75 FOIZI QOPLAB BERILDI
Yurtimizda yoşlarni qöllab-quvvatlaş, ularning hayotdan öz örinlarini topişlariga yaqindan kömak beriş maqsadida turli çora-tadbirlar amalga oşirilmoqda. Bu boradagi samaradorlikni oşiriş maqsadida Prezident Farmonlari, hukumat qarorlari qabul qilinib, ijrosi taʼminlanişiga alohida eʼtibor qaratilmoqda.
Özbekiston Respublikasi Vazirlar Mahkamasining 2021-yil 28-aprel kungi qarori ham şular jumlasidandir. Mazkur qaror bilan “Yoşlar daftari”ga kiritilgan yoşlarni tadbirkorlik, kasb-hunar, haydovçilik va qayta tayyorlov kurslarida öqitiş xarajatlarining 75 foizigaça qismi “Yoşlar daftari” jamğarmasi mablağlari hisobidan qoplab berilişi belgilab qöyilgan. Şunga köra röyxatdagi yoşlarning tadbirkorlikka öqitiş xarajatlari bazaviy hisoblaş miqdorining 4 baravaridan ortiq bölmagan qismi, kasb-hunarga va haydovçilik kurslarida öqitiş uçun sarflangan xarajatlarning bir oydan ikki oygaça, ikki oydan ortiq muddatli öquv kurslari uçun tegişli miqdori qoplab beriladi.
Amudaryo tumanida ham mazkur qaror ijrosini taʼminlaş maqsadida “Yoşlar daftari”ga kiritilgan yoşlar öquv kurslariga jalb etilib, turli kasb-hunarga öqitilmoqda. Öquv kurslarini muvaffaqiyatli tugatgan va sertifikat olgan yoşlarga bazaviy hisoblaş miqdorining 25 baravaridan köp bölmagan miqdorda isteʼmol kreditlari ajratilişiga kömaklaşilmoqda. Uyuşmagan yoşlarning maʼnaviy dunyoqaraşini şakllantiriş, şu jumladan ularni xorijiy tillar, kompyuter savodxonligi, sport, madaniyat va kitobxonlik tögaraklariga jalb qiliş çoralari körilmoqda.
Hozirgi kunda tumandagi Mudofaaga kömaklaşuvçi “Vatanparvar” taşkiloti tomonidan taşkil etilgan öquv kurslarida haydovçilik guvohnomasini olişga öqiyotgan 50 nafar yoşlar uçun tölov mablağining 75 foizi, yaʼni 78 mln. 750 ming söm mablağ Hukumatning 2021-yil 11-martdagi “Yoşlarni ijtimoiy qöllab-quvvatlaş böyiça qöşimça çora-tadbirlar töğrsida”gi qarori asosida “Yoşlar jamğarmasi” hisobidan qoplab berilmoqda.
Öquv-sport texnika klubida “V” va “VS” toifali haydovçilar tayyorlaş, 30 soatlik qayta tayyorlaş böyiça faoliyat taşkil etilgan. Klub öquv xonalari zamonaviy öqitiş vositalari, kompyuterlar, interaktiv doskalar bilan jihozlangan. Maşğulotlar 4 nafar oliy maʼlumotli mutaxassis öqituvçilar tomonidan olib boriladi.
Amaliy boşqarişni örgatiş uçun taşkilotda 3 ta neksiya, kobalt, 4 ta spark, 3 ta matiz, 2 ta damas, 4 ta GAZ 52, 1 ta GAZ 53 va “Isuzu” rusumli avtomobillar mavjud. Uşbu texnikalar yordamida amaliy maşğulotlar ötkaziladi. Öquv-sport texnika klubida mehnat bozorida talab katta bölayotgan avtoelektrik, gaz va elektr payvandçisi, akkumulyatorçi, dvigatellarni taʼmirlovçi usta va traktorçi yönalişlari böyiça kurslar taşkil etiş maqsadida xonalar zarur vositalar bilan jihozlandi.
Haydovçilik guvohnomasini olişga öqiyotgan yoşlar özlarining kasb egallaşlariga kömaklaşgan, tölov mablağining 75 foizini “Yoşlar jamğarmasi” hisobidan qoplab bergan davlatimizga, masʼullarga katta minnatdorçilik bildirişdi.
O. Xudoyberganova.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶