KIChIK HAJMLI KEMALARNI ROʻYXATDAN OʻTKAZISh QOIDALARI TASDIQLANDI

“Kichik hajmli kemalardan xavfsiz foydalanishni taʼminlash chora-tadbirlari toʻgʻrisida”gi Hukumat qarori qabul qilindi. Qaror bilan kichik hajmli kemalarni roʻyxatdan hamda texnik koʻrikdan oʻtkazish qoidalari tasdiqlandi.

Shunga koʻra kichik hajmli kema – asosiy dvigatellari quvvati 55 kVt (75 ot kuchi) va yoʻlovchi sigʻimi 12 kishidan ortiq boʻlmagan oʻziyurar kemalar, osma motorli kemalar, suv mototsikllari (gidrotsikllar), yuk koʻtarish qobiliyati 80 registr tonnadan ortiq boʻlmagan oʻziyurmas kemalar (eshkakli qayiqlar va suv velosipedlari), yelkanli kemalar havo bosimi bilan toʻldiriladigan yoki shishiriladigan motorsiz eshkakli qayiqlar egalari hamda jismoniy yoki yuridik shaxs kichik hajmli kema xarid qilganda texnik holatidan qatʼiy nazar, roʻyxatdan oʻtkazish uchun tegishli hududiy boshqarmaga 30 ish kunida murojaat etadi.

Kemani roʻyxatdan oʻtkazishni Favqulodda vaziyatlar vazirligining “Kichik hajmli kemalar” axborot tizimi orqali ham amalga oshirish mumkin.

Arizalar 1 ish kunida koʻrib chiqiladi. Shunga koʻra, kichik hajmli kema dastlabki texnik koʻrikdan oʻtkaziladi va kema bileti rasmiylashtiriladi.

Kemalarni roʻyxatdan oʻtkazish uchun toʻlovlar undiriladi. Motorli kichik hajmli kemalarni roʻyxatdan oʻtkazish (qayta roʻyxatdan oʻtkazish) – BHMning 20 foizi, motorsiz kichik hajmli kemalarni roʻyxatdan oʻtkazish (qayta roʻyxatdan oʻtkazish) – BHMning 10 foizi, kema bileti dublikatini berish – BHMning 10 foizi miqdorida toʻlovlar amalga oshiriladi.

Roʻyxatdan oʻtkazilmagan kemalardan foydalanish taʼqiqlanadi.

B.Tajiboyev, tuman Favqulodda vaziyatlar boʻlimi FVDT va FM boʻlinmasi boshligʻi.