"MILLATLAR TOTUVLIGI YuRT TAYaNChI" DEB NOMLANGAN TADBIR OʻTKAZILDI
Qonunchilik palatasi tomonidan shu yildan boshlab, 30-iyulni "Xalqlar doʻstligi kuni" sifatida belgilaydigan qonun qabul qilindi. Xalqlar doʻstligi kunini belgilash orqali jamiyatda, xalqlar va davlatlar oʻrtasida hamjihatlik, bagʻrikenglik, millatlararo totuvlikni mustahkamlash koʻzda tutilgan. Ushbu kunni nishonlash bilan xalqlar, mamlakatlar, madaniyatlar va shaxslar oʻrtasidagi doʻstlik, tinchlikni taʼminlash boʻyicha saʼy-harakatlarni ilhomlantirish va madaniy xilma-xillikni hurmat qiladigan jamiyatlar oʻrtasida koʻpriklar yaratish imkoniyatini yaratish mumkindir.
O'zMTDP tuman Kengashi hamda tuman Madaniyat markazi bilan hamkorlikda "Millatlar totuvligi yurt tayanchi" deb nomlangan tadbir tashkil etildi. Tadbirda hind, koreys, oʻzbek, tojik, rus va boshqa millat vakillarining urf-odat, anʼanalari raqslari namoyish qilindi. Barcha millatlar oʻrtasidagi birdamlik va totuvlikni taʼminlash tinchlik barqaror boʻlishida muhim oʻrin tutishi ushbu tadbir orqali koʻrsatib berildi.
Tadbir yakunida ishtirokchilar tashkilotchilar hamda 3-Boyovul saylov okrugi deputati O.Begimov hamda O'zMTDP tuman Kengashi tomonidan sovgʻalar bilan taqdirlandi.
Fotima Eshimbetova, O'zMTDP tuman Kengashi ijrochi kotibi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
