Özbekiston Respublikasi Suv xöjaligi vaziri iştirokida seminar bölib ötdi

Joriy yilning 3-iyul kuni Amudaryo tumani Qiliçboy ovulidagi "Rajabov Omonboy" fermer xöjaligida qişloq xöjaligi ekinlarini suv bilan taʼminlaşda zamonaviy texnologiyalardan samarali foydalaniş, pahtani tomçilatib suğoriş, ğalladan böşagan ekin maydonlariga takroriy ekinlar ekiş masalalariga bağişlangan seminar bölib ötdi. Seminarda Özbekiston Respublikasi Suv xöjaligi vaziri Şavkat Hamroyev, Respublika qişloq xöjaligi sohasi mutaxassislari, professor, olimlar, tuman hokimi Sultonboy Yöldaşev, tumandagi törtta sektor rahbarlari, fermer xöjaliklari raislari hamda qişloq xöjaligi sohasi masʼullari iştirok etdilar.

Seminarda Özbekiston Respublikasi Suv xöjaligi vaziri Şavkat Hamroyev sözga çiqib, Amudaryo tumani qişloq xöjaligi sohasida katta natijalarga erişirayotganligi, sohadagi işlar samarali taşkil qilinganligi, tuman agrar sohada mamlakatdagi eng ilğor tumanlardan biri ekanligini alohida taʼkidladi.

Şuningdek, sönggi yillarda tabiiy iqlim şaroitining keskin özgarayotgani sababli dunyoda suv tanqisligi muammosi tobora kuçayotganini qayd etib, mavjud suv zahiralaridan oqilona foydalaniş zarurligi haqida söz yuritdi.

Suv tanqisligi muammosi, ayniqsa, agrar soha taraqqiy etgan hududlarda yaqqol sezilmoqda. Şu jumladan, tumanimizda ham suv yetişmovçiligi bilan boğliq muammolar közga taşlanmoqda. Hududlardagi suv taqçilligini yumşatişda qişloq xöjaligi ekinlarini suv bilan taʼminlaşda suv tejovçi texnologiyalardan oqilona foydalaniş sezilarli natijalarni bermoqda.

Aytiş kerakki, joriy yilda tumandagi jami 3800 gektar ekin maydonida suvni tejaydigan texnologiyalarni joriy qiliş belgilangan bölib, şundan 3730 gektar yer tomçilatib suğoriş, 30 gektar maydon yomğirlatib suğoriş, 40 gektar yer esa diskret usulida suğorilişi rejalaştirilgan.

Şu yilning may oyi holatiga jami 169 ta fermer xöjaligi va 1 ta klaster taşkiloti tomonidan 2 816 gektar ekin maydonida suvni tejaydigan texnologiyalarni joriy qiliş böyiça pudratçi taşkilotlar bilan şartnomalar tuzilgan.

Şuningdek, paxta xomaşyosini yetiştirişda tomçilatib suğoriş texnologiyasini joriy qiliş böyiça 145 ta fermer xöjaligi tomonidan 2 581 gektar, 1 ta klaster taşkiloti tomonidan 34,5 gektar maydonda, mevali boğ va boşqa ekin maydonlarida tomçilatib suğoriş texnologiyasini joriy qiliş böyiça 19 ta fermer xöjaligi tomonidan 130 gektar maydonda pudratçi taşkilotlar bilan şartnomalar qilingan. Jumladan, "Rajabov Omonboy" fermer xöjaligida 37 gektar ekin maydonida tomçilatib suğoriş texnologiyasi joriy qilingan bölib, gektaridan 60 tsentnergaça hosil oliş közlamoqda.

Seminarda yiğilganlarga tomçilatib suğoriş texnologiyasining afzalliklari, texnologiyadan foydalanişning öziga xos jihatlari xususida maʼlumotlar berib ötildi.

Tumanimizdagi qişloq xöjaligi sohasi mutaxassislari masʼullarga qator muammolar yuzasidan murojaatlar qildilar. Murojaatlardagi masalalarni ijobiy hal qiliş uçun tegişli masʼullar bilan kelişib olindi, qator murojaatlar tuşuntirişlar beriş orqali şu yerning özida hal qilindi. Qolaversa, seminarda iştirok etayotgan professor, olimlar fermerlar tomonidan berilgan savollarga javoblar berdilar.

Çaros Arslonova, tuman hokimligining Axborot xizmati rahbari.