RUXSAT BERISh VA LITsENZIYaLASh SOHASIDAGI YaNGILIKLAR
Mamlakatimizda ishbilarmonlik va investitsiya muhitini tubdan yaxshilab, tadbirkorlik faoliyati uchun ortiqcha byurokratik toʻsiqlarni bartaraf etish, eskirgan, zamon talablariga mos kelmaydigan tartib-taomillarni takomillashtirish borasida doimiy chora-tadbirlar amalga oshirilib kelinmoqda.
Mazkur yoʻnalishlarda olib borilgan ishlar litsenziyalash va ruxsat berish tizimini liberallashtirish hamda institutsional isloh qilishning yangi bosqichini boshlash uchun mustahkam asos yaratdi.
Litsenziyalash va ruxsat berish tartib-taomillarini tubdan takomillashtirish hamda byurokratik toʻsiqlarni bartaraf etish orqali tadbirkorlik subʼektlari faoliyati uchun yanada keng shart-sharoitlarni yaratish maqsadida Oʻzbekiston Respublikasi Prezidentining 2020-yil 24-avgustda “Litsenziya va ruxsat berish tartib-taomillarini tubdan takomillashtirish chora-tadbirlari toʻgʻrisida”gi Farmoni qabul qilindi.
Farmonda «Litsenziya» axborot tizimi bir qancha imkoniyatlarga ega boʻlishi nazarda tutilgan. Jumladan
a) litsenziyalash, ruxsat berish va xabardor qilish tartib-taomillaridan oʻtish borasida:
litsenziya va ruxsat etish xususiyatiga ega hujjatlarni olish yoki amal qilish muddatini uzaytirish uchun ariza va unga ilova qilinadigan hujjatlarni topshirish, QR-kod (matrik shtrixli kod) qoʻyilgan elektron litsenziya va ruxsat etish xususiyatiga ega hujjatlarni olish;
vakolatli organlar tomonidan arizalarni koʻrib chiqish hamda litsenziya va ruxsat etish xususiyatiga ega hujjatlarni berish yoki berishni rad etish haqida qarorlar qabul qilish;
faoliyatni boshlaganlik yoki tugatganlik haqida vakolatli organni xabardor qilish uchun xabarnomalar yuborish va xabarnoma qabul qilinganligi toʻgʻrisida tasdiqnomalar olish;
arizani koʻrib chiqish uchun davlat boji, yigʻim va barcha turdagi toʻlovlarni Yagona billing tizimi orqali elektron toʻlash;
litsenziya va ruxsat etish xususiyatiga ega hujjatlarni qayta rasmiylashtirish, ularning amal qilishini toʻxtatib turish va bekor qilish haqidagi arizalarni qabul qilish va koʻrib chiqish.
Farmonga muvofiq 2021-yil 1-yanvardan boshlab litsenziyalash, ruxsat berish va xabardor qilish tartib-taomillari bosqichma-bosqich toʻliq elektron tarzda «Litsenziya» axborot tizimi orqali amalga oshirilishi belgilangan, endilikda tadbirkorlik subektlari «Litsenziya» axborot tizimi orqali arizalarni yuborishda license.gov.uz elektron tizimidan foydalaniadi.
Litsenziya va ruxsat etish xususiyatiga ega hujjatlarni olish hamda vakolatli organni xabardor qilish haqidagi arizalar va ularga ilova qilingan hujjatlar elektron shaklda Yagona interaktiv davlat xizmatlari portalidan foydalangan holda Internet tarmogʻi orqali qabul qilinadi.
Barcha turdagi litsenziya va ruxsat etish xususiyatiga ega hujjatlar hamda xabarnoma qabul qilinganligi va reyestrga kiritilganlik haqida xat ularning haqqoniyligini onlayn tekshirish imkonini beradigan QR-kod (matrik shtrixli kod) qoʻyilgan holda rasmiylashtiriladi va ularni maxsus blankalarda berish tartibi bekor qilinadi, bundan xalqaro shartnomalarga muvofiq maxsus qogʻoz blankalarida rasmiylashtirishni talab qiladigan hujjatlar mustasno.
Faoliyatni boshlaganlik haqida vakolatli organni xabardor qilishda bazaviy hisoblash miqdorining 50 foizigacha yigʻim undiriladi, bundan qurilish-montaj ishlarini va alkogol mahsulotlari bilan chakana savdo qilishni boshlaganlik haqidagi xabarnomalar mustasno.
Bu kabi tartib-tamoyillarning joriy etilishi tadbirkorlik subektlari faoliyatining rivojlanishida zamin yaratadi.
Umida Saparbayeva, tuman Davlat xizmatlari markazi boʻlim boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
