Qoraqalpogʻiston Respublikasi Prokurori amudaryolik yosh tadbirkorlar bilan uchrashdi
Soʻnggi yillarda davlat idoralari bilan xalq oʻrtasidagi byurokratik toʻsiqlarga barham berilib, mahalliy davlat hokimiyati organlaridan tortib mamlakat miqyosidagi boshqaruv va huquqni muhofaza qiluvchi organlar rahbarlarning xalq bilan oshkora va samimiy muloqotlari tashkil etilayotgani yillar davomida yigʻilib qolgan koʻpdan-koʻp muammolarning ijobiy yechim topishiga imkon yaratmoqda. Bu borada prokuratura organlari tomonidan oʻtkazilayotgan sayyor uchrashuv va sayyor qabullar muhim ahamiyat kasb etayotir. Chunki prokuratura organlari tomonidan bu kabi tadbirlar oʻtkazish orqali aholining turli qatlamlari, ayniqsa, tadbirkorlar va yoshlar bilan bevosita va ochiq muloqotni taʼminlash, ularni qiynab kelayotgan muammolarni aniqlash hamda bartaraf etish yuzasidan aniq va manzilli choralar koʻrilmoqda.
Xususan, Qoraqalpogʻiston Respublikasi prokurori Farhod Allamberganov tomonidan Respublikamiz tumanlarida yoshlar va tadbirkorlar bilan muntazam ravishda sayyor uchrashuvlar oʻtkazilmoqda. Prokuror bilan boʻlib oʻtayotgan uchrashuvlarda samimiy va oshkora, dildan suhbat muhiti yaratilib, har bir murojaatchining shikoyat va arizasi batafsil oʻrganilib, zarur chora-tadbirlar bilgilanmoqda hamda ularga huquqiy tushuntirishlar va maslahatlar berilayotganidan aholi mamnun boʻlmoqda.
Qoraqalpogʻiston Respublikasi Prokurori Farhod Allamberganov ishtirokidagi sayyor uchrashuv joriy yilning 20-aprel sanasida Beruniy hamda Amudaryo tumanlarida ham oʻtkazildi.
Tuman hokimligi binosida boʻlib oʻtgan mazkur sayyor uchrashuvida bir guruh amudaryolik yoshlar, tadbirkorlar, shuningdek tumandagi idora va tashkilotlar rahbarlari, ommaviy axborot vositalari vakillari ishtirok etdilar.
Sayyor uchrashuv jarayonida kelib tushgan ogʻzaki va yozma murojaatlar shu yerning oʻzida batafsil oʻrganib chiqildi va 15 ta murojaat ijobiy hal etildi. Shuningdek, 16 ta murojaat yuzasidan zarur tushuntirish va tavsiyalar berildi. Bundan tashqari, 21 ta murojaat boʻyicha tegishli tashkilotlarga qonuniy hal etish zarur topshiriq va koʻrsatmalar berilib, mazkur murojaatlarning ijrosi nazoratga olindi.
Bunday sayyor uchrashuvlarni oʻtkazishdan koʻzlangan asosiy maqsad - yoshlar hayotiga oid muammolarni aniqlash va bu muammolarni atroflicha, joyiga chiqib oʻrganish orqali ijobiy yechimini taʼminlash, oʻz vaqtida ularga koʻmak berish, ayniqsa, yoshlarni tadbirkorlikka yoʻnaltirish, qiziqishlarini ragʻbatlantirish hamda tadbirkorlik sohasiga keng jalb qilish barobarida mamlakatimizda yoshlar tadbirkorligini yanada rivojlantirishga koʻmaklashishdan iborat.
Boʻlib oʻtgan sayyor uchrashuvda Qoraqalpogʻiston respublikasi prokurori Farhod Allamberganov va Qoraqalpogʻiston Respublikasidagi Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonasi mudiri Rinat Aytmuradovlar yosh tadbirkorlar tomonidan tushgan qonunchilikka oid savollarga ham javob berdi.
Robiya YOʻLDOShEVA
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
