Қорақалпоғистон Республикаси Прокурори амударёлик ёш тадбиркорлар билан учрашди
Сўнгги йилларда давлат идоралари билан халқ ўртасидаги бюрократик тўсиқларга барҳам берилиб, маҳаллий давлат ҳокимияти органларидан тортиб мамлакат миқёсидаги бошқарув ва ҳуқуқни муҳофаза қилувчи органлар раҳбарларнинг халқ билан ошкора ва самимий мулоқотлари ташкил этилаётгани йиллар давомида йиғилиб қолган кўпдан-кўп муаммоларнинг ижобий ечим топишига имкон яратмоқда. Бу борада прокуратура органлари томонидан ўтказилаётган сайёр учрашув ва сайёр қабуллар муҳим аҳамият касб этаётир. Чунки прокуратура органлари томонидан бу каби тадбирлар ўтказиш орқали аҳолининг турли қатламлари, айниқса, тадбиркорлар ва ёшлар билан бевосита ва очиқ мулоқотни таъминлаш, уларни қийнаб келаётган муаммоларни аниқлаш ҳамда бартараф этиш юзасидан аниқ ва манзилли чоралар кўрилмоқда.
Хусусан, Қорақалпоғистон Республикаси прокурори Фарҳод Алламберганов томонидан Республикамиз туманларида ёшлар ва тадбиркорлар билан мунтазам равишда сайёр учрашувлар ўтказилмоқда. Прокурор билан бўлиб ўтаётган учрашувларда самимий ва ошкора, дилдан суҳбат муҳити яратилиб, ҳар бир мурожаатчининг шикоят ва аризаси батафсил ўрганилиб, зарур чора-тадбирлар билгиланмоқда ҳамда уларга ҳуқуқий тушунтиришлар ва маслаҳатлар берилаётганидан аҳоли мамнун бўлмоқда.
Қорақалпоғистон Республикаси Прокурори Фарҳод Алламберганов иштирокидаги сайёр учрашув жорий йилнинг 20 апрель санасида Беруний ҳамда Амударё туманларида ҳам ўтказилди.
Туман ҳокимлиги биносида бўлиб ўтган мазкур сайёр учрашувида бир гуруҳ амударёлик ёшлар, тадбиркорлар, шунингдек тумандаги идора ва ташкилотлар раҳбарлари, оммавий ахборот воситалари вакиллари иштирок этдилар.
Сайёр учрашув жараёнида келиб тушган оғзаки ва ёзма мурожаатлар шу ернинг ўзида батафсил ўрганиб чиқилди ва 15 та мурожаат ижобий ҳал этилди. Шунингдек, 16 та мурожаат юзасидан зарур тушунтириш ва тавсиялар берилди. Бундан ташқари, 21 та мурожаат бўйича тегишли ташкилотларга қонуний ҳал этиш зарур топшириқ ва кўрсатмалар берилиб, мазкур мурожаатларнинг ижроси назоратга олинди.
Бундай сайёр учрашувларни ўтказишдан кўзланган асосий мақсад - ёшлар ҳаётига оид муаммоларни аниқлаш ва бу муаммоларни атрофлича, жойига чиқиб ўрганиш орқали ижобий ечимини таъминлаш, ўз вақтида уларга кўмак бериш, айниқса, ёшларни тадбиркорликка йўналтириш, қизиқишларини рағбатлантириш ҳамда тадбиркорлик соҳасига кенг жалб қилиш баробарида мамлакатимизда ёшлар тадбиркорлигини янада ривожлантиришга кўмаклашишдан иборат.
Бўлиб ўтган сайёр учрашувда Қорақалпоғистон республикаси прокурори Фарҳод Алламберганов ва Қорақалпоғистон Республикасидаги Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхонаси мудири Ринат Айтмурадовлар ёш тадбиркорлар томонидан тушган қонунчиликка оид саволларга ҳам жавоб берди.
Робия ЙЎЛДОШЕВА
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
