HAVO MILTIGʻIDAN OʻQ OTISh BOʻYIChA SPORT MUSOBAQASI OʻTKAZILDI
Bugungi kunda yoshlarni milliy gʻoya va Vatanga sadoqat ruhida tarbiyalash, ularning qalbiga Vatan himoyasi sharafli va muqaddas burch ekanligini chuqur singdirish, qadimiy tariximiz va madaniyatimizni oʻrgatish, yurtimiz mustaqilligi va ravnaqi yoʻlida kurashgan milliy qahramonlarimiz bilan faxrlanish, ularga munosib boʻlish tuygʻusini shakllantirish, milliy armiyamizning qudrati va salohiyatiga ishonchini kuchaytirish, Vatanimiz mudofaasi uchun xizmat qilish har bir yigitning sharafli burchi ekanligini anglatish yoʻlida koʻpgina saʼy-harakatlar olib borilmoqda. Shuningdek, har qanday murakkab vaziyatlarda tezkor va mustaqil qaror qabul qilish, zamonaviy harbiy-texnika vositalaridan samarali foydalanish malakasiga ega yoshlarni tarbiyalashga alohida eʼtibor qaratilmoqda. Chunki yurt manfaatlarini harbiy sohada ham, hayotning barcha jabhalarida ham ishonchli himoya qilishga qodir oʻgʻlonlarni voyaga yetkazish bugungi kunning asosiy vazifalaridan biridir.
Oʻzbekiston Respublikasi Mudofaasiga koʻmaklashuvchi “Vatanparvar” tashkilotining Amudaryo tuman oʻquv sport-texnika klubi ham ushbu sharafli vazifaning ado etilishiga munosib hissa qoʻshayotganlarning biri. Bu yerda yoshlarga turli rusumdagi avtomashinalar haydash, yoʻl harakati qoidalar puxta oʻqitilib, kasb-korli boʻlishi taʼminlanayotir.
Shuningdek, tumanimiz hududidagi umumiy oʻrta taʼlim muassasalari chaqiriqqacha tayyorlash fani oʻqituvchilari bilan hamkorlikda oʻquvchilar orasida turli harbiy-sport musobaqalari, boshlangʻich harbiy taʼlimga doir tanlovlar, musobaqalar muntazam oʻtkizib turilayapti.
Shu yilning 19-aprelida 13-sonli umumiy oʻrta taʼlim maktabida havo miltigʻidan oʻq otish boʻyicha oʻtkazilgan musobaqa ham shularning biridir.
Musobaqa uchta bosqichla oʻtkazildi. Dastlabki bosqichda Oʻzbekiston Respublikasi Mudofaasiga koʻmaklashuvchi “Vatanparvar” tashkiloti tuman oʻquv sport-texnika klubidan yoʻl olgan avtokarvon 13-sonli maktabga yetib bordi. Ikkinchi bosqichda sport avtomobillari va havo miltiqlari oʻquvchi yoshlarga tanishtirildi, ishlatish yoʻl-yoʻriqlari tushuntirildi. Ushbu koʻrgazmani oʻquvchilar qiziqib tomosha qildilar va qismlari haqida maʼlumotga ega boʻldilar.
Uchinchi bosqichda havo miltigʻidan oʻq otish sport musobaqasi boʻlib oʻtdi. Ushbu bosqichda oʻquvchilarning moʻljalni aniq nishonga ola bilishi, ziyrakligi va havo miltigʻini toʻgʻri qoʻllay olishi sinovdan oʻtkazildi.
Shunisi eʼtiborliki, tadbirning har bir bosqichida oʻquvchilar juda katta qiziqish bilan ishtirok etdilar va gʻoliblik uchun sidqidildan intildilar.
Musobaqa yakunida gʻolib oʻquvchilari “Vatanparvar” tashkilotining tuman oʻquv sport-texnika klubi maʼmuriyati tomonidan Faxriy yorliqlar va sovgʻalar bilan taqdirlandi.
Tadbir oʻquvchi-yoshlar koʻnglida Vatanimiz mudofaasiga xizmat qilish sharafli burch ekanligini joyladi, boshlangʻich harbiy taʼlimni puxta egallashga undadi.
O.RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
