ҲАВО МИЛТИҒИДАН ЎҚ ОТИШ БЎЙИЧА СПОРТ МУСОБАҚАСИ ЎТКАЗИЛДИ
Бугунги кунда ёшларни миллий ғоя ва Ватанга садоқат руҳида тарбиялаш, уларнинг қалбига Ватан ҳимояси шарафли ва муқаддас бурч эканлигини чуқур сингдириш, қадимий тарихимиз ва маданиятимизни ўргатиш, юртимиз мустақиллиги ва равнақи йўлида курашган миллий қаҳрамонларимиз билан фахрланиш, уларга муносиб бўлиш туйғусини шакллантириш, миллий армиямизнинг қудрати ва салоҳиятига ишончини кучайтириш, Ватанимиз мудофааси учун хизмат қилиш ҳар бир йигитнинг шарафли бурчи эканлигини англатиш йўлида кўпгина саъй-ҳаракатлар олиб борилмоқда. Шунингдек, ҳар қандай мураккаб вазиятларда тезкор ва мустақил қарор қабул қилиш, замонавий ҳарбий-техника воситаларидан самарали фойдаланиш малакасига эга ёшларни тарбиялашга алоҳида эътибор қаратилмоқда. Чунки юрт манфаатларини ҳарбий соҳада ҳам, ҳаётнинг барча жабҳаларида ҳам ишончли ҳимоя қилишга қодир ўғлонларни вояга етказиш бугунги куннинг асосий вазифаларидан биридир.
Ўзбекистон Республикаси Мудофаасига кўмаклашувчи “Ватанпарвар” ташкилотининг Амударё туман ўқув спорт-техника клуби ҳам ушбу шарафли вазифанинг адо этилишига муносиб ҳисса қўшаётганларнинг бири. Бу ерда ёшларга турли русумдаги автомашиналар ҳайдаш, йўл ҳаракати қоидалар пухта ўқитилиб, касб-корли бўлиши таъминланаётир.
Шунингдек, туманимиз ҳудудидаги умумий ўрта таълим муассасалари чақириққача тайёрлаш фани ўқитувчилари билан ҳамкорликда ўқувчилар орасида турли ҳарбий-спорт мусобақалари, бошланғич ҳарбий таълимга доир танловлар, мусобақалар мунтазам ўткизиб турилаяпти.
Шу йилнинг 19 апрелида 13-сонли умумий ўрта таълим мактабида ҳаво милтиғидан ўқ отиш бўйича ўтказилган мусобақа ҳам шуларнинг биридир.
Мусобақа учта босқичла ўтказилди. Дастлабки босқичда Ўзбекистон Республикаси Мудофаасига кўмаклашувчи “Ватанпарвар” ташкилоти туман ўқув спорт-техника клубидан йўл олган автокарвон 13-сонли мактабга етиб борди. Иккинчи босқичда спорт автомобиллари ва ҳаво милтиқлари ўқувчи ёшларга таништирилди, ишлатиш йўл-йўриқлари тушунтирилди. Ушбу кўргазмани ўқувчилар қизиқиб томоша қилдилар ва қисмлари ҳақида маълумотга эга бўлдилар.
Учинчи босқичда ҳаво милтиғидан ўқ отиш спорт мусобақаси бўлиб ўтди. Ушбу босқичда ўқувчиларнинг мўлжални аниқ нишонга ола билиши, зийраклиги ва ҳаво милтиғини тўғри қўллай олиши синовдан ўтказилди.
Шуниси эътиборлики, тадбирнинг ҳар бир босқичида ўқувчилар жуда катта қизиқиш билан иштирок этдилар ва ғолиблик учун сидқидилдан интилдилар.
Мусобақа якунида ғолиб ўқувчилари “Ватанпарвар” ташкилотининг туман ўқув спорт-техника клуби маъмурияти томонидан Фахрий ёрлиқлар ва совғалар билан тақдирланди.
Тадбир ўқувчи-ёшлар кўнглида Ватанимиз мудофаасига хизмат қилиш шарафли бурч эканлигини жойлади, бошланғич ҳарбий таълимни пухта эгаллашга ундади.
О.РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
