SEKTORLAR KESIMIDA “SPORTNI SEV, SPORT BILAN YaShA!” ShIORI OSTIDA MAHALLALARARO SPORT MUSOBAQALARI OʻTKAZILDI

Shu kunlarda tumandagi barcha fuqarolar yigʻinlari oʻrtasida sektorlar kesimida “Sportni sev, sport bilan yasha!” shiori ostida 9 yoʻnalishda sport musobaqalari oʻtkazilmoqda.
Tuman sport boʻlimi bilan birgalikda rejaviy jadval asosida 11-18-fevral kunlari hududiy bosqichlar va 22-27-fevral kunlari esa tuman bosqichi oʻtkazilishi belgilandi. Bu musobaqalarda barcha yoshdagi qiziquvchilar, yaʼni 7 yoshdan 70 yoshgacha boʻlgan yurtdoshlarimiz ishtirok qilishlari mumkinligi aytilib, barcha hududlardagi aholiga yetkazildi.
Joriy yilning 11-fevral kuni sportning shashka va shahmat turi boʻyicha 4 ta sektor hududidagi mahallalar oʻrtasida musobaqaning hududiy bosqichi oʻtkazildi. Musobaqa har ikkala tur boʻyicha ham 1-sektordan Oybek nomli MFY, 2-sektordan Farovon MFY, 3-sektordan Durunki MFY, 4-sektordan ham har ikkila tur boʻyicha Qangli OFY jamoalari gʻoliblikni qoʻlga kiritishib, tuman bosqichiga yoʻllanma oldilar.
12-fevral kuni esa sportning mini futbol turi boʻyicha 4 ta sektor hududidagi mahallalar oʻrtasida musobaqaning hududiy bosqichi oʻtkazildi. Musobaqa yakunida 1-sektordan Toʻlqin OFY, 2-sektordan Xolimbeg OFY, 3-sektordan Kuyuk koʻpir OFY, 4-sektordan Chordara MFY jamoalari gʻolib boʻlishib, tuman bosqichiga yoʻllanmani qoʻlga kiritishdi.
13-fevral sanasida sportning voleybol turi boʻyicha 4 ta sektor hududidagi mahallalar oʻrtasida oʻzaro hududiy bosqich bellashuvlari oʻtkazildi. Qizgʻin va doʻstona vaziyatda oʻtgan musobaqalar yakunida 1-sektordan oʻgʻil bolalar oʻrtasida Daryo boʻyi MFY, qizlar oʻrtasida Toʻlqin OFY, 2-sektordan oʻgʻil bolalar oʻrtasida Farovon MFY, qizlar oʻrtasida Xizr eli MFY, 3-sektordan oʻgʻil bolalar oʻrtasida Kuyuk koʻpir OFY, 4-sektordan Chordara MFY jamoalari gʻolib boʻlishib, tuman bosqichiga yoʻllanmani qoʻlga kiritishdi.
15-fevral kuni sportning basketbol turi boʻyicha 4 ta sektor hududidagi mahallalar oʻrtasida oʻzaro hududiy bosqich musobaqalari yanada qiziqarli boʻldi. Unda 1-sektordan oʻgʻil bolalar va qizlar oʻrtasida Toʻlqin OFY, 2-sektordan oʻgʻil bolalar oʻrtasida Arna boʻyi MFY, qizlar oʻrtasida Xizr eli MFY, 3-sektordan oʻgʻil bolalar oʻrtasida Oq oltin OFY, qizlar oʻrtasida Kuyuk koʻpir OFY, 4-sektordan oʻgʻil bolalar va qizlar oʻrtasida Namuna MFY jamoalari gʻoliblikni qoʻlga kirishib, tuman bosqichiga yoʻllanma oldilar.
16-fevral kuni sportning stol tennisi turi boʻyicha hududiy bosqich musobaqalari oʻtkazildi. Musobaqa yakuniga koʻra, 1-sektordan oʻgʻil bolalar oʻrtasida Toʻlqin OFY, qizlar oʻrtasida Qipchoq OFY, 2-sektordan oʻgʻil bolalar oʻrtasida Yangiobod MFY, qizlar oʻrtasida Arna boʻyi MFY, 3-sektordan oʻgʻil bolalar va qizlar oʻrtasida Boy ovul MFY, 4-sektordan oʻgʻil bolalar va qizlar oʻrtasida Navoiy MFY jamoalari gʻolib boʻlishdi va tuman bosqichiga yoʻllanmani qoʻlga kiritishdi.

Shuni alohida eʼtirof etish kerakki, sektorlar kesimida oʻtkazilgan mazkur sport musobaqalarida Choykoʻl, Qilichboy, Doʻrman, A.Temur nomli, Xitoy, Boʻzyop, Toshyop, Oʻrta qalʼa, Bobur nomli, Nazarxon OFYlari, Jumurtov va Qipchoq ShFYlarida sport-sogʻlomlashtirish ishlari qoniqarsiz ekanligi maʼlum boʻldi. Shuningdek, A.Navoiy nomli, Boyovul, Yangiobod, Namuna, Xizr eli, Arna boʻyi, Daryo boʻyi, Farovon, Chordara, Durunki kabi mahalla fuqarolar yigʻinlaridan tashqari barcha MFY va ShFYlarda aholini sport-sogʻlomlashtirish ishlariga jalb etish, ayniqsa, yoshlar, bolalar sportini rivojlantirishga eʼtibor sustligi ayon boʻldi. Chunki yuqorida nomlari qayd etilgan OFY va MFYlardan tashqari, nomlari tilga olinmagan mahallalar vakillari boʻlib oʻtgan musobaqalarda ishtirok etishmadi va ishtirok etganlari esa biron bir natijaga erishmadilar. Bu achinarli hol, albatta.
Lekin shuni mamnuniyat bilan taʼkidlash joizki, 1-sektor hududidagi Toʻlqin OFY sportchilari musobaqalarning barcha yoʻnalishlarida gʻoliblik shohsupasidan joy olishib, musobaqa ishtirokchilarining olqishlariga sazovor boʻlishdi.
Boʻlib oʻtgan musobaqalar bolalar va yoshlar hamda kattalar, shuningdek, oilaviy sportchilar safini yanada oshirish, aholi salomatligini mustahkamlashga qaratilgani bilan ahamiyatlidir.

Robiya YOʻLDOShEVA.