BOBUR QALBIMIZDA MANGU YaShAYDI

Keltursa yuz baloni oʻshal bevafo manga,
Kel sen,agar yuzumni evursam balo manga.

Ha bu albatta Bobur ijodidan. Boburning nozik taʼbi musiqaga bulgan qiziqishini hamma bilsa kerak. Boshqa adib shoirlar bahor faslini yaxshi kursa, bu shoir kuz faslini yaxshi koʻrgan, kuz faslida daraxtdan toʻkilgan har bir bargning, uning shitirlagan ovozidan kuy yaratgan.

Zahiriddin Muhammad Bobur bizga adabiy va boy meros qoldirgan, adib shoir olim va bu bilan birga yirik davlat arbobi sarkarda hamdir. Zahiriddin Muhammad Bobur bobomiz haqida qancha yozsam kam,uning sheʼrlarini gʻazallarini varaqlaganimda shoirning har nafasimizda uygʻoq ekanini dildan his qilaman.

Zahiriddin Muhammad Bobur keng dunyoqarashi va mukammal aql-zakovati bilan Hindistonda Boburiylar sulolasiga asos solib,bu mamlakat tarixida davlat arbobi sifatida nomi qolgan boʻlsa,serjilo oʻzbek tilida yozilgan "Boburnoma "asari bilan jahonning mashhur tarixnavis olimlari qatoridan ham joy oldi.

Uning nafis gʻazal va ruboiylari turkiy sheʼriyatining eng nodir durdonalari boʻlib, “Mubayyin”, “Xatti Boburiy”, “Harb ishi” aruz haqidagi risolasi esa islom qonunshunosligi, sheʼriyat va til nazariyasi sohalariga munosib hissa boʻlib qoʻshildi.

Bobur shaharlarni taʼriflabgina qolmasdan oʻzi shaharlarda bogʻlar yaratishga, turli xil madrasalar, jomʼe masjidlar qasrlar qurishga ham katta hissa qoʻshgan va bizga undan adabiy va boy meros qolgan.

Biz Navoiy, Boburiylar avlodimiz,tarixsiz kelajakni tasavvur qilib boʻlmaganidek, biz ham kelajagimizni Navoiy bobomiz, Bobur bobomizning sheʼru gʻazallarisiz tasavvur qilolmaymiz. Uning gʻazallari beixtiyor yodimizga kelib bizni, uning kitoblarini varaqlashga undaydi. Men shu yerda demoqchimanki:

Umrlar bor tiriklikda oʻlikdir,umrlar bor mangulikka tirikdir.

Darhaqiqat, har bir inson qancha yashagani bilan emas, qanday yashagani bilan qadrlanar, eʼzozlanar ekan.

62-sonli maktab boshlangʻich sinf oʻqituvchisi Bahor Arikova.