OʻQUV-SEMINARDA VOYaGA YeTMAGANLAR HUQUQBUZARLIKLARINING OLDINI OLISh YuZASIDAN TUShUNChALAR BERILDI
Jinoyatchilikka qarshi kurashish, huquqbuzarliklarning oldini olish hamda surishtiruv ishlarida yoʻl qoʻyilayotgan kamchiliklar, faoliyatni yanada yaxshilash borasidagi vazifalarni belgilab olish maqsadida tuman Ichki ishlar boʻlimida bu boʻyicha tasdiqlangan dasturga muvofiq oʻtkazilayotgan oʻquv-seminarlar davom etmoqda. Oʻquv-seminarda ichki ishlar xodimlari sohaga oid milliy qonunchilikdagi yangiliklarning mazmun-mohiyati hamda ahamiyati, ularni amalga oshirish mexanizmlari, davlat va nodavlat tashkilotlar, fuqarolar yigʻinlari bilan oʻzaro hamkorlikni toʻgʻri tashkil etish yoʻllarini oʻrganib, tushunchalarini kengaytirishmoqda.
8-fevral kuni tuman Ichki ishlar boʻlimining majlislar zalida rejaga muvofiq “Voyaga yetmaganlar ishlari boʻyicha idoralararo komissiyasi tomonidan maʼmuriy ishlarni koʻrilishida surishtiruv organlari tomonidan yoʻl qoʻyilayotgan kamchiliklar, surishtiruv sifatini oshirish boʻyicha takliflar, voyaga yetmaganlarning maʼmuriy huquqbuzarligi uchun javobgarligi boʻyicha tushuncha” mavzusida navbatdagi oʻquv-seminar oʻtkazildi. Oʻquv-seminarda Voyaga yetmaganlar ishlari boʻyicha Amudaryo tumani idoralararo komissiya masʼul kotibi J.Xolmurodov hamda tuman Ichki ishlar boʻlimi boshligʻi oʻrinbosarlari ishtirok etdilar.
Ushbu oʻquv-seminarda Voyaga yetmaganlar ishlari boʻyicha Amudaryo tumani idoralararo komissiya masʼul kotibi J.Xolmurodov mamlakatda barkamol avlodni tarbiyalash borasida amalga oshirilayotgan kompleks dasturlar doirasida voyaga yetmaganlar nazoratsizligi va huquqbuzarliklarining oldini olish borasida maqsadli tadbirlar oʻtkazib kelinayotganligini eʼtirof etdi. Shuningdek, “Voyaga yetmaganlar oʻrtasida nazoratsizlik va huquqbuzarliklarning profilaktikasi toʻgʻrisida”gi Oʻzbekiston Respublikasi Qonuni voyaga yetmaganlarning nazoratsizligi va huquqbuzarligini profilaktika qiladigan idora va muassasalarning bu boradagi masʼuliyatini kuchaytirish, bolalarning gʻayriijtimoiy xulq-atvorini erta aniqlash va bartaraf etish borasidagi tadbirlar samaradorligini yanada yaxshilash imkonini berayotganligini qayd etib oʻtdi.
Shu bilan birga, voyaga yetmaganlar tomonidan huquqbuzarliklar yoki boshqa gʻayriijtimoiy xatti-harakatlar sodir etilishining oldini olish, ularda qonunga itoatkorlik xulq-atvorini shakllantirish, ijtimoiy xavfli ahvolda boʻlgan bolalar va oilalarni ijtimoiy-pedagogik reabilitatsiya qilish borasidagi ishlarni tashkil etishdagi baʼzi nuqsonlarni tuzatish lozimligini taʼkidladi. Shuningdek, bolalarning huquqlarini himoya qilish, jinoyatchilik va huquqbuzarliklarning oldini olish bilan bogʻliq dolzarb muammolarni hal qilish, yoʻl qoʻyilayotgan qonunbuzilish holatlarini bartaraf etish va ushbu masalada oʻzaro hamkorlikni mustahkamlash zarurligini aytib oʻtdi.
Oʻquv-seminar yakunida mavzu yuzasidan tinglovchilar bilan savol-javob oʻtkazilib, tushunchalar yanada mustahkamlandi.
Sultonbek Jarilkaganov, tuman Ichki ishlar boʻlimi boshligʻi oʻrinbosari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
