TADBIRKORLARNING QONUNIY HIMOYaSI DOIMIY EʼTIBORDA

Maʼlumki, davlatimiz tomonidan soʻnggi yillarda tadbirkorlarning qonuniy manfaatlarini himoya qilishga qaratilgan qator qonun hujjatlari qabul qilindi.

Bugungi kunda tadbirkorlik masalalari bilan bogʻliq 110 dan ortiq Farmon va qarorlar mavjud.

Ushbu qabul qilingan qonun hujjatlari talablariga joylarda birdek amal qilinishini taʼminlash boʻyicha prokuratura organlariga alohida masʼuliyatli vazifa yuklatilgan. Prokuratura organlari respublikada tadbirkorlikni jadal rivojlantirish, investitsiyalarni keng jalb qilish, tadbirkorlarning qonuniy manfaatlarini himoya qilish yuzasidan tegishli nazorat tadbirlarini olib bormoqda.

2020-yilda oʻtkazilgan nazorat tadbirlari natijasida 5 833 ta holatda tadbirkorlarning huquqi buzilganligi aniqlangan.

Oʻtkazilgan tekshirishlar natijasiga koʻra joylarga 358 ta taqdimnoma, 353 ta protestlar keltirilib, 472 nafar mansabdor shaxslar intizomiy va 345 nafari esa maʼmuriy javobgarlikka tortildi. Shuningdek, sudlarga 21,8 mlrd. soʻmlik 451 ta daʼvo arizalari kiritilib, 2,9 mlrd. soʻm yetkazilgan zarar ixtiyoriy qoplanishiga erishildi. Qoʻpol qonun buzilishi holatlari yuzasidan 347 ta jinoyat ishlari qoʻzgʻatilib, natijasiga koʻra 5 206 nafar tadbirkorning buzilgan huquqlari tiklandi.

Oʻtgan vaqt mobaynida prokuratura organlari tomonidan qonunbuzilishlarning oldini olish bilan bir qatorda  23 630 ta tadbirkorlik subʼektlariga turli masalalarda amaliy yordamlar koʻrsatildi.

Tadbirkorlikning yanada rivojlanishini taʼminlash, ular faoliyatiga toʻsiq boʻlayotgan har qanday holatga tegishli tartibda munosabat bildirish, bartaraf etish choralarini koʻrish prokuratura organlarining doimiy eʼtibor markazida boʻlib qoladi.

Xurshid ShUHRATJONOV,

Bosh prokuratura boshqarma

prokurori.