MAHALLA POSBONI – tinchlik himoyachisi
Maʼlumki, jamiyatda jamoat tartibini saqlash va fuqarolar xavfsizligini taʼminlash, jinoyatchilikka qarshi kurash va uning oldini olish huquqni muhofaza qilish idoralari zimmasiga yuklatilgan. Mazkur vazifani amalga oshirish davlat va nodavlat tashkilotlari, jamoat tashkilotlari, fuqarolarning oʻzini oʻzi boshqarish organlarining ishtirok etishini talab etadi. Xolbuki, jinoyatchilikka qarshi kurash qachonki u keng ijtimoiy asosda, unga barcha davlat va jamoatchilik mexanizmlarini faol jalb qilgan holda amalga oshirilgandagina samarali boʻlishi mumkin. Tinchlik va osoyishtalikni taʼminlashda «Mahalla posboni» jamoat tuzilmasining ham ahamiyati katta.
Bugungi kunda fuqarolarning oʻzini oʻzi boshqarish organlari huzurida «Mahalla posboni» jamoat tuzilmalari tashkil etilgan boʻlib, ular safida minglab yoshlar oʻz uylari va mahallalarining tinchligi hamda osoyishtaligini saqlash ishlarini olib borish bilan birga, jinoyatchilikka qarshi kurash va uning oldini olishda huquq-tartibot organlariga koʻmaklashmoqda.
Mahalla posbonlari safidan eng munosiblarini ichki ishlar idoralari xizmatiga qabul qilishga ham katta eʼtibor qaratilmoqda.
Bugun yurtimizda mahalla posbonlari aholining faolligini oshirish, fuqarolarni jamoat tuzilmasiga keng jalb qilish, bir yoqadan bosh chiqarib, har qanday illatga, ayniqsa xavfsizlikka tahdid soluvchi omillarga qarshi kurash va boshqa jamoatchilik ishlarini olib borishda tashabbuskorlik, fidoyilik namunalarini namoyon etmoqdalar, oʻz kasb vazifalarini sharaf bilan bajarmoqdalar. Zero, Vatan tinchligi va osoyishtaligini himoya qilish yurt oʻgʻli uchun faqat konstitutsiyaviy burch emas, muqaddas vazifa, oliy sharaf hamdir.
Rasul ALLAMOV,
Oʻzbekiston Respublikasi IIV Akademiyasi tinglovchisi.
(Foto - http://navoiypress.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
