XALQ BANKINING AMUDARYo TUMAN FILIALI KAPITAL TAʼMIRLANIB, FOYDALANIShGA TOPShIRILDI
Bugungi kunda Oʻzbekiston Respublikasi Aktsiyadorlik tijorat Xalq banki mamlakatdagi iqtisodiy barqarorlikni taʼminlashga, tadbirkorlikni rivojlantirishga hissa qoʻshayotgan eng yirik bank muassasalaridan biri sanaladi. Bank oldida turgan asosiy vazifalardan biri oʻz salohiyatini barqarorlashtirish hamda mijozlarning bankka boʻlgan ishonchini oshirish, xizmat koʻrsatishning yuqori darajasiga erishish, bank xizmatlari koʻrsatishga zamonaviy texnologiyalarni joriy qilish hisoblanadi. Bankning Amudaryo tumani filiali xodimlari ham ushbu maqsad va vazifalarni amalga oshirishda samarali faoliyat yuritib kelmoqda.
Joriy yilning sentyabr oyidan boshlab, bank xodimlari rekonstruktsiya qilingan, zamonaviy koʻrinishdagi yangi binoda oʻz ishini davom ettirishmoqda. 14-sentyabr kuni Aktsiyadorlik tijorat Xalq banki Amudaryo tuman filiali binosining mukammal taʼmirdan keyin ochilish marosimi boʻlib oʻtdi.
Marosimda Amudaryo tumani hokimi S.Yoʻldashev va boshqalar soʻzga chiqib, kapital taʼmirdan chiqarilgan bank binosida mijozlar va ishchi xodimlar uchun barcha sharoitlar yaratilganini eʼtirof etib, quruvchilarga minnatdorchilik bildirdilar va bank xodimlarining kelgusidagi ishlarida omad tiladilar.
Bank boshqaruvining buyurtmachiligi asosida pudratchi tashkilot “Mangʻit Ideal Qurilish” MChJ tomonidan 1 mlrd. 850 mln. soʻm mablagʻ evaziga bino kapital rekonstruktsiya qilindi. Yangi binoda xodimlar va mijozlar uchun barcha qulayliklar yaratilgan boʻlib, xonalar zamonaviy jihozlar va kompyuter tizimlari bilan taʼminlangan. Mijozlar uchun alohida kutish zali tashkil qilingan. Binoda yaratilgan barcha qulaylik hamda shart-sharoitlar bank ish faoliyatining unumdorligini taʼminlashga xizmat qilishi shubhasiz.
Maʼlumot tariqasida aytish joizki, bugungi kunga kelib, Aktsiyadorlik tijorat Xalq banki tuman filiali tomonidan 556 ta yuridik mijozlarga hamda 8 mingga yaqin jismoniy shaxslarga xizmat koʻrsatib kelinmoqda. Filialda jami 53 nafar xodim xizmat faoliyatini olib boradi. Bank xodimlarining samarali mehnati natijasida tumanda istiqomat qiluvchi 15 mingga yaqin pensionerlarga pensiya pullari, shuningdek, kam taʼminlangan oilalarning 2 yoshgacha hamda 14 yoshgacha boʻlgan bolalariga beriladigan nafaqa pullari oʻz vaqtida yetkazib berilmoqda.
Bank maʼmuriyati yangi gʻoyalar va yangi strategik maqsadlarni belgilagan holda mijozlarga koʻrsatiladigan xizmatlarni sifat jihatidan yangi bosqichga koʻtarishga, shuningdek, zamonaviy bank xizmatlarini yoʻlga qoʻyish orqali moliyaviy xizmatlar bozori koʻrsatkichlarini yanada oshirishga harakat qilmoqdalar.
Charos Arslonova, tuman hokimligining Axborot xizmati rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
