SAYYoP SUD MAJLISIDA YOʻL-TPANSPOPT HODISASIGA DOIP ISh KOʻPILDI

Yurtimizda karantin tartibi eʼlon qilinishidan avval sudlarning ommaviy sayyor qabullari odatiy tus olib, Oliy sud raisidan tortib, uning oʻrinbosarlari, hayʼat raislari va joylardagi sudyalargacha — barcha birdek faol va muntazam ishtirok etayotgan edi. Karantin joriy etilishi bilan fuqarolarning sud muhokamalarida ishtirok etishiga, sud orqali himoyalanish huquqini amalga oshirilishiga taʼsir koʻrsatdi, albatta. Fuqarolarni shaxsiy va sayyor qabul qilish vaqtincha toʻxtatildi.
Ammo sudlar faoliyati toʻxtab qolgani yoʻq, aksincha, yuzaga kelgan murakkab vaziyat inobatga olinib, sudlarda kechiktirib boʻlmaydigan toifadagi ishlar koʻrib kelinmoqda. Boshqa ishlarni koʻrish esa maʼlum muddatga qoldirildi. Sudlarga hujjatlarning elektron shaklda yuborilishi koʻpaydi, fuqarolar va yuridik shaxslarning murojaatlari borasidagi ish tartibi oʻzgardi.

8-iyun kuni tumanimizda ham Ichki ishlar boʻlimining maʼmuriy binosida Jinoyat ishlari boʻyicha tuman sudi tomonidan sayyor sud majlisi oʻtkazildi. Ushbu sayyor sudda Jinoyat ishlari boʻyicha tuman sudi raisi Sultonmurod Davletmurodov, sud raisi yordamchisi Yelyor Jumaniyozov, tuman pokurori yordamchisi Sanjar Yormuhammedov, tuman IIB YHXB boshligʻi Dilshod Aminovlar ishtirok etdilar.

Sudda yoʻl harakati qoidalarini buzib, yoʻl-transport hodisasini sodir etganlik holatiga doir ish koʻrib chiqildi. Ushbu hodisani sodir etgan fuqaro joriy yilning 23-aprel sanasida tuman hududidagi transport yoʻllarining birida otasi nomida boʻlgan avtomobilda harakatlanayotganida Vazirlar Mahkamasining “Yoʻl harakati qoidalarini tasdiqlash toʻgʻrisida”gi qarorining 77-bandida koʻrsatilgan yoʻl harakati qoidasini qoʻpol tarzda buzgan. Natijada ushbu transport vositasida yoʻlovchi sifatida harakatlanib kelayotgan 4 nafar fuqaroga tan jarohati yetkazgan. Sud-tibbiyot ekspertizasining natijalariga koʻra, jabrlanuvchilar turli xildagi tan jarohatlarini olgan. Yoʻl-transport hodisasini sodir qilgan fuqaro shu sababli Oʻzbekiston Pespublikasi Jinoyat kodeksining 266-moddasi 1-qismi bilan gumon qilinuvchi sifatida ishga jalb qilingan.

Sud jarayonida gumon qilinuvchi va jabrlanuvchilarning soʻzlari eshitildi, prokurorning fikrini tinglandi. Ishga doir materiallar tekshirilib, taqqoslandi. Yoʻl-harakati qoidalarini buzib, mazkur transport hodisasini sodir qilgan fuqaro hamda jabrlanuvchilar oʻzaro yarashganligi, yetkazilgan moddiy zarar bartaraf etilganligi, yarashuvning ixtiyoriyligi va biron bir tazyiq boʻlmaganligi maʼlum qilindi. Ushbu yoʻl-transport hodisasi Oʻzbekiston Pespublikasi Jinoyat kodeksining 15-moddasi 2-qismiga muvofiq ijtimoiy xavfi katta boʻlmagan jinoyatlar turkumiga kirganligi sababli Jinoyat Kodeksining 66(1)-moddasiga muvofiq hodisani sodir etgan aybdor fuqaro jinoiy javobgarlikdan ozod etildi.

Sud majlisi yakunida gumon qilinuvchiga oid jinoyat ishi Oʻzbekiston Pespublikasi Jinoyat Kodeksining 66(1)-moddasi bilan, Oʻzbekiston Pespublikasi JPKning 84-moddasi 4-qismi tartibida yarashilganligi munosabati bilan toʻxtatilganligi maʼlum qilindi.

Tuman hokimligining Axborot xizmati.