TUMAN HOKIMIDAN MINNATDORMAN, OʻGʻLIM IShLI BOʻLDI
Davlatimiz rahbari Sh.Mirziyoyevning 24-yanvar kungi Oliy Majlisga Murojaatnomasini butun Oʻzbekiston xalqi samimiyat bilan tingladi. Men ham eng dolzarb muammo – korruptsiyaga qarshi kurash yoshlarni ish bilan taʼminlash borasidagi fikrlaridan juda taʼsirlandim.
Yaqinda esa tuman hokimi yoshlar bilan uchrashib, muammolarini oʻrgandi. Uchrashuvda Yoshlar ittifoqi tuman Kengashi tomonidan tumanimizdagi ishsiz yoshlarning roʻyxati shakllantirildi. Bu roʻyxatda mening oʻgʻlim ham bor edi. U har yili Rossiya davlatiga chiqib ishlab kelar, katta qiyinchiliklar bilan pul topardi. Oʻzining ishsiz ekanligidan juda aziyat chekardi.
Hokim va yoshlar uchrashuvidan keyin bir hafta oʻtib, oʻgʻlimni “Amudaryotex” xorijiy korxonasiga operatorlik kasbiga ishga qabul qilishdi. Mana bir haftadirki, oʻgʻlim Qudrat Tursunboyev “Amudaryotex” korxonasida ishlayapti, ishidan mamnun. Men tumanimiz hokimi S.Yoʻldashevga oʻz minnatdorchiligimni bildiraman. Yangi ish boshlagan sinovdagi ishchi boʻlsa-da, oyligi 700 000 (yetti yuz ming) soʻm.
- Oʻz hulqing, tarbiyang, mehnatkashliging bilan boshqalarga oʻrnak boʻlgin, balki seni keyinchalik maoshi koʻproq joyga oʻtkazishar, odobli boʻl, ishingga befarq boʻlma, - deyman doim oʻgʻlimga.
Zuhra AHMEDOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
