AShIPBOY OTAGA OMAD KULIB BOQDI

Tumanimizdagi Amir Temur nomli ovulning Mehnatkash mahallasida yashovchi turkman millatiga mansub Ashirboy ota Gijirovning yoshlik davri mehnatda oʻtdi. Ovulda uni  mehnatkashligi, kamtarin va fidoyiligi uchun hamma birday hurmat qiladi. Qoʻni-qoʻshni, mahalla-koʻyning toʻy-maʼrakalarida “oʻzbegim, oʻzimning qondoshim, gardashim”, deb el-yurtga hamisha qayishib turguvchi Ashirboy otaga yaqinda omad kulib boqdi. Doim bolam-chaqam, oilam, deb kuyib-pishib yuradigan Ashirboy ota har doim pensiya pulini olsa, doʻkondan oila ehtiyoji uchun zarur narsalar xarid qilishga odatlangan. Albatta, nevaralariga shirinlik, “Jesko” savdo belgisi bilan sotuvga chiqarilayotgan sharbatlardan ham xarid qilishni unutmaydi.

Har gal yaxshi niyat bilan “Jesko” sharbatini xarid qilganida nevaralariga ham omad kulib boqishini astoydil istar edi.

Yaxshi niyat – yarim davlat, deganlaricha bor ekan. Ashirboy otaga haqiqatdan ham omad kulib boqdi. “Omad shou” teleoʻyiniga taklif qilishganida avvaliga ishonmadi. Qoʻl telefoniga avval qoʻngʻiroq qilishganidan keyin SMS xabari kelganida quvonchini yashirolmadi. Bir zumda bu xushxabar Amir Temur nomli ovuldan butun tumanga tarqaldi.

Farzandlari, nevaralari va barcha yaqinlarining xursandchiligiga qoʻni-qoʻshnilar ham sherik boʻlishdi. Shundan soʻng, Ashirboy ota oʻyinda ishtirok etish uchun yaqinlari bilan birgalikda Toshkent shahriga yoʻl oldi. Aytilgan manzilda uni “Omad shou” teleoʻyini tashkilotchilari samimiy kutib olib, oʻyin qoidalari bilan tanishtirishdi. Oʻyin boshlangandagi hayajonli lahzalarni eslarkan, Ashirboy ota oʻziga, yaqinlariga oʻyin tashkilotchilari tomonidan koʻrsatilgan hurmat va eʼtibordan mamnun boʻlganini taʼkidladi. Shuningdek, ushbu oʻyinda oʻziga ham omad kulib boqishini sira kutmaganini, lekin umid bilan oʻyin shartlarini bajarganini aytib berdi.

Maʼlumki, “Omad shou” teleoʻyinida yutuqqa ega boʻlish imkoniyati katta. Shu bois bu oʻyinda ishtirok etayotganlar aslo ortiga xafa boʻlib qaytmaydilar. Oʻyinda yaxshi niyat bilan ishtirok etgan otaxonga ham omad kulib boqdi. U omadlilar qatorida juda katta yutuqni qoʻlga kiritishga muvaffaq boʻldi. Otaxon “Omad shou” teleoʻyinida ishtirok etib, bir yoʻla ham “Spark” avtomobili, ham 30 mln. soʻmlik yutuqqa ega boʻldi.

Ashirboy ota Gijirovning xonadoni u uyiga qaytgan kundanoq “qultugʻ boʻlsin”lab kela boshlagan yaxshilar qadamidan yanada obod boʻldi. Pizq-nasibasining baland boʻlganidan xursand boʻlgan otaxon eng avval Yaratganga shukronasini aytib, mehmonlar bilan xursandchiligini baham koʻrdi.

Har tong Allohdan halol rizq-nasiba, omonlik, el-yurtga farovonlik va obodlik tilab yashayotgan yurtdoshimiz Ashirboy ota Gijirovning xonadoniga “Omad shou” teleoʻyini tashkilotchilari tashrif buyurganida mehmonlar bilan yanada gavjum boʻldi. Ahli ovul guvohligida teleoʻyin tashkilotchilari  Ashirboy ota Gijirovni omadli yutuq bilan muborakbod etishdi hamda “Spark” avtomobilini va 30 million soʻmlik pul yutugʻini topshirishdi.

Biz ham Ashirboy ota Gijirovni omadli yutuq bilan chin dildan tabriklaymiz va barcha yurtdoshlarimizning xonadonida shunday quvonchli kunlar koʻp boʻlishini tilaymiz.

Pavshan ANOPOV.