TARIX FANI OYLIGI MAʼLUMOTLARGA BOY VA JUDA QIZIQARLI OʻTDI
Shukurki, xalqimiz mustaqillikka erishganidan soʻng, oʻzining tarixini, dunyo ilm-fani rivojiga munosib hissa qoʻshgan alloma, fozil-fuzalolari maʼnaviy merosini oʻrganish baxtiga musharraf boʻldi. Shu jumladan, ulugʻ sarkarda, jahongir, turk, arab, fors xalqlari tarixini, diniy, dunyoviy va falsafiy bilimlarni chuqur egallagan Amir Temur ibn amir Taragʻay hayoti va faoliyati bilan ham chuqur tanishish va ibrat olish baxtiga erishdik.
Tumanimizdagi 65-sonli umumiy oʻrta taʼlim maktabida 29-yanvar kuni yanvar – tarix, davlat va huquq asoslari fanlari oyligi deb belgilanganligi munosabati bilan oʻtkazilgan “Tarixni anglash oʻzlikni anglashdir” deb nomlangan maʼrifiy-maʼnaviy kechada ham bu borada batafsil soʻz yuritildi.
Amir Temur 1360-1385-yillarda Movarounnahrni moʻgʻul xonligidan ozod qilib, yagona markazlashgan davlat tuzdi, 1370-yilda Movrounnahr taxtiga oʻtirdi va Samarqandni hokimiyat poytaxti etib belgiladi. Keyinchalik Sirdaryoning quyi havzasidagi yerlarni – Toshkent viloyatini, Fargʻona vodiysini, Xorazmni oʻz hukmronligiga qoʻshdi. Hayotining soʻnggi yillarida Eron, Iroq, Zakavkaze mamlakatlari, Hindiston, Oltin Oʻrda va Turkiyani ham ishgʻol qilib, saltanat hududini sharqda Xitoy devoriga, gʻarbda Oʻrta yer dengizigacha, janubda Hindiston chegaralariga qadar kengaytirdi. Ushbu yirik markazlashgan davlatni adolat bilan boshqardi, oʻzini oddiy xalq vakilidan ulugʻ sanamadi. U ilm ahillarini, shoirlarni juda qadrladi va faoliyatiga gʻamxoʻrlik qildi. Shuningdek, xalq farovonligi, mamlakat obodligi uchun kurashdi. “Temur tuzuklari” asari bugungi davr yoshlari uchun ulkan maʼnaviy merosdir. Uni oʻrganish har birimiz uchun ham farz, ham qarzdir.
Maktabning tarix fani oʻqituvchisi Shahlo Safarboyeva, davlat va huquq asoslari fani oʻqituvchisi Omongul Jumaboyevalar tomonidan fan oyligi yakuniga bagʻishlab oʻtkazilgan mazkur tadbirda oʻquvchilar sohibqiron Amir Temur bobomiz amalga oshirgan ana shu buyuk va olamshumul ishlar haqida batafsil maʼlumotga ega boʻldilar. Tadbirda ishtirok etgan 9-sinf oʻquvchilari Amir Temur hayotiga doir sahnalashtirilgan koʻrinishda olis tariximizning bir parchasini oʻz ijrolari orqali jonlantirishdi. Oʻquvchilarning tarixiy shaxslar obrazini oʻzgacha viqor va mahorat bilan ijro etgani ularning ulugʻ bobokalonlarimiz hayotini chuqur oʻqib, oʻrganini yaqqol koʻrsatib berdi. Shuningdek, 5-sinf oʻquvchilari “Temur tuzuklari”dan namunalarni zoʻr ishtiyoq bilan yod aytdilar. Shundan soʻng, 8-sinf oʻquvchilari hozirgi davrdagi Konstitutsiyamizning oʻquvchi yoshlarga taalluqli moddalarini yod aytib, sharhlab berishdi.
Tadbirda mamlakatimizning birinchi Prezidenti Islom Karimov hayoti va faoliyatiga oid koʻrgazma ham namoyish etildi.
Fan oyligi doirasida oʻtkazilgan eng muhim ishlardan biri maktab muzeyi tashkil etilganligi boʻldi. Endilikda muzeyni tomosha qilgan oʻquvchilar oʻzlari taʼlim-tarbiya olayotgan maktab haqida koʻpgina bilimlarga ega boʻladilar. Fan oyligi oʻqituvchilar uchun ham, oʻquvchilar uchun ham qiziqarli va taassurotlarga boy boʻlib oʻtdi.
O.RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
