MUROJAATNOMANI TINGLAB, XURSAND BOʻLDIM
Chor-atrofimizda umrguzaronlik qilayotgan odamlar orasida Ichki ishlar idoralarining Migratsiya va fuqarolikni rasmiylashtirish boʻlimlariga Oʻzbekiston fuqaroligini olish uchun necha yillardan beri murojaat qilib, kelayotganlari ham bor.
Ular ham hamma qatori tinch-osoyishta yashash, ishlash, oʻqish imkoniyatlariga ega boʻlsa-da, bari bir koʻngli kemtik. Shu Vatanda saylovlarda ovoz berishdan tashqari barcha fuqarolik huquqlari taʼminlanayotgani, hurmat qilinayotganidan xursand boʻlsalar, fuqaroligi yoʻqligidan oʻksiydilar. Ular asosan qoʻshni davlatlardan koʻchib kelgan yo kelin boʻlib uzatilib kelgan, shuningdek, vaqtinchalik boshqa davlatda yashab, yana qaytib kelgan fuqarolardir.
Tumanimizning Amir Temur nomli ovulida 1958-yilda tugʻilgan Botir Yoʻlliyev hozir 62 yoshda. Farzandlari oilali, tashvishlaridan tingan. Biroq koʻnglini doim bir oʻy kemiradi - fuqaroligi yoʻq. Ayoli Oqchagul Kujekova, farzandi Shogeldilar Oʻzbekiston fuqarosi. Buning oʻziga xos sabablari bor: mustaqillikning dastlabki yillarida u Turkmaniston davlatida bir-ikki yil yashadi, yana tugʻilgan Vatani mehri tortib, qaytib keldi. Kelib bir umr fermer xoʻjaligida oilasi bilan pudratga yer olib, halol mehnat qildi.
Shu yil 24-yanvar kuni mamlakatimiz Prezidenti Sh.Mirziyoyevning Oliy Majlisga qilgan Murojaatnomasida Botir Yoʻlliyevga oʻxshaganlar uchun quvonchli yangilik bor: Muhtaram Yurtboshimiz “1995-yilgacha Oʻzbekistonga kelgan va shundan buyon istiqomat qilayotganlarga avtomatik tarzda fuqarolik berilishi darkor”ligini taʼkidladilar.
Men Amir Temur nomli ovul fuqarolar yigʻini raisi sifatida Botir Yoʻlliyev uchun bundan juda xursand boʻldim. Va albatta buni unga yetkazaman.
Oybek YuSUPOV,
Amir Temur nomli OFY raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
