PESPUBLIKA IShChI GUPUHI AʼZOLAPI AMUDAPYoLIK YoShLAP BILAN UChPAShDI

Keyingi yillarda mamlakatimizda yoshlarning hayotda oʻz oʻrnini topishi uchun munosib sharoit yaratish, ularni har tomonlama qoʻllab-quvvatlash, kasbga yoʻnaltirish va bandligini taʼminlash, tashabbuslarini qoʻllab-quvvatlash borasida tizimli ishlar amalga oshirilmoqda.

Ayniqsa, chekka hududlarda istiqomat qilayotgan yoshlarning oʻz iqtidor va qobiliyatlarini roʻyobga chiqarishlari, tadbirkorlik faoliyati bilan shugʻullanishlari uchun keng sharoitlar yaratish, ularni turli zararli illat va yot gʻoyalar taʼsiridan himoya qilish, yoshlar oʻrtasida jinoyatchilik va huquqbuzarliklarning oldini olish boʻyicha muayyan ishlar amalga oshirildi.

Bu borada erishilgan natijalarni tahlil qilish, yoshlarning bugungi faoliyati va qiziqishlari bilan yaqindan tanishish, ularni qiynayotgan muammolarni aniqlash va hal qilish maqsadida Pespublika ishchi guruhi 16-yanvar kuni Amudaryo tumanida boʻldi.

Ishchi guruh oʻz faoliyatini tumandagi 9-sonli Bolalar musiqa va sanʼat maktabi majlislar zalida faol yoshlar bilan uchrashuvdan boshladi. 

Uchrashuvda Oʻzbekiston Pespublikasi Prezidentining fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari boʻyicha maslahatchisi oʻrinbosari Alisher Usmanov, Qoraqalpogʻiston Pespublikasi Vazirlar Kengashi Paisi Qahramon Sariyev, Amudaryo tumani hokimi Sultonboy Yoʻldoshev, vazirlik va idoralar rahbarlari, tumanning faol yoshlari ishtirok etdi.

Taʼkidlanganidek, yoshlarga eʼtibor mamlakatimizda davlat siyosati darajasiga koʻtarilgan. Yoshlarning huquqlari, erkinliklari va qonuniy manfaatlarini taʼminlash, kelajagimiz egalarining maʼnaviy, jismoniy va axloqiy jihatdan kamol topishiga koʻmaklashish, ularning bandligini taʼminlash, huquqiy ongi va madaniyatini yuksaltirish, iqtidorli va isteʼdodli yoshlarni qoʻllab-quvvatlash hamda ragʻbatlantirish, yoshlar tadbirkorligini rivojlantirish uchun shart-sharoitlar yaratish yoʻnalishlarida amalga oshirilayotgan ishlar bu fikrning isbotidir.

Uchrashuvda Yoshlar ittifoqi Amudaryo tuman Kengashi raisi Mahmud Shermetov soʻzga chiqib, tuman yoshlarining erishayotgan yutuqlari haqida toʻxtalib oʻtdi.

Salkam 200 ming nafarga yaqinlashgan tuman aholisining 70 ming nafarga yaqini voyaga yetmagan yoshlardir. Hozirgi kunda tumanda 86 ta umumtaʼlim maktablari mavjud boʻlib, ularda 38 ming nafardan ziyod oʻquvchi-yoshlar taʼlim-tarbiya olishayapti. Maktablarda va maktabdan tashqari taʼlim muassasalarida turli toʻgaraklar faoliyati yoʻlga qoʻyilgan boʻlib, ularda yoshlar nafaqat fan, balki sanʼat, sport sirlarini chuqur oʻrganib, kasb-hunar egallamoqda.

Birgina oʻtgan yilning oʻzida Prezidentimizning beshta muhim tashabbusi ijrosini taʼminlash maqsadida 4 ta ovul va mahallada sunʼiy qoplamali futbol maydonchalari, Qilichboy ovulida fitnes klubi, Kuyuk koʻpir ovuli va Qipchoq shaharchasida  “Street work out” sport maydonchasi foydalanishga topshirildi. 4 ta ovulda yangi kutubxona tashkil etilib, ularga homiylar koʻmagida 2 mingdan ortiq kitoblar sovgʻa qilindi.

Ochiq muloqot tarzida boʻlib oʻtgan uchrashuvda yoshlar mutasaddilarga savollar hamda oʻzlarini qiynayotgan masalalar bilan murojaat qildi. Jumladan, tumanda iqtidorli bolalar maktabini tashkil qilish, yoshlarning bandligini taʼminlash, yoshlar tadbirkorligini rivojantirish, yosh oilalarni uy-joy bilan taʼminlash hamda boshqa dolzarb masalalar boʻyicha murojaatlar shu joyning oʻzida oʻrganilib, ularni hal qilish boʻyicha tegishli vazirlik va idoralar rahbarlariga topshiriqlar berildi.

Shuningdek,  9-sonli bolalar musiqa va sanʼat maktabida kitoblar va yosh rassomlar koʻrgazmalari ham tashkil etildi.

Ishchi guruh Amudaryo tumanidagi faoliyatini davom ettirmoqda.

Gʻ.Yeshniyozov.