MEHNATDAN KELSA BOYLIK...
Qiliçboy ovulida obrö-eʼtiborli insonlar va fayzli xonadonlar haqida gap ketganida, albatta, odamlar “Olim brigadir” nomi bilan elga tanilgan mehnatkaş, jonkuyar, fidoyi inson – Olimboy Rajabov va uning halol mehnatlari evaziga yaralgan boğ-roğli, fayzli xonadoni haqida sözlaşadi.
Haqiqatan ham uşbu xonadonga taşrif buyursangiz inson mehnati qançalar farovonlik va gözallik yaratişga qodir ekanligiga, “Mehnatdan kelsa boylik, turmuş bölar çiroylik”, degan naqlning neçoğlik töğri aytilganiga guvoh bölasiz.
Olimboy aka ovuldagi 7 yillik maktabni (hozirgi 15-sonli) tugatişi bilanoq biror bir kasb-korga ega bölişga harakat qildi. U şu maqsadda 1959-yilda 25-sonli Törtköl bilim yurtida, 1966-69-yillarda Toşkent industrial texnikumida va 1974-1977-yillarda Toşhovuz qişloq xöjaligi texnikumida tahsil oldi.
Olimboy aka mehnat faoliyatini sobiq M.Gorkiy nomli davlat xöjaligida traktorçi bölib işlaşdan boşladi.
Xöjalik rahbarlari Olimboy Rajabovdagi qişloq xöjaligi texnikalariga bölgan qiziqişni hisobga olişib, uni boş mexanik vazifasiga tayinlaşdi. Bu vazifada 3-yil muvaffaqiyatli faoliyat körsatgaç, u brigada boşliği vazifasiga ötkazildi.
Olimboy Rajabov bu vazifada salkam öttiz yil, nafaqaga çiqquniga qadar faoliyat körsatdi. U bu davr mobaynida haqiqiy qişloq xöjaligi xodimiga, aniqroği, haqiqiy paxtakorga aylandi. Şu davrda u nafaqat M.Gorkiy nomli davlat xöjaligida, balki, Amudaryo tumanida paxtaçilik sohasining yuqori hosil ustasi sifatida tan olindi. Bunday fidokorona mehnatlari uning köksini qator davlat mukofotlari bilan bezadi. Dongdor paxtakor sifatida tanilgan Olimboy Rajabov 1987-yilda bir qança çet mamlakatlarga sayohatlarga yuborildi.
Olimboy aka özining bunday muvaffaqiyatlarida oilasining örni benihoya katta bölganligi haqida takror va takror sözlaydi. U 1960-yilda Tölğonoy opa bilan turmuş qurib, mustahkam oila qörğonini yaratdi.
Olimboy akaning baxtiga umr yöldoşi Tölğonoy opa ham mehnatkaş, tinib-tinçimaydigan, oilam deb yelib yuguradigan ayol bölib çiqdi. Opa ham fidokorona mehnatlari tufayli sobiq M.Gorkiy nomli davlat xöjaligining ilğor pillakori Tölğonoy Mangliyevaga aylandi.
Oilada dunyoga kelgan 8 nafar farzand – Erkinoy, Rohatoy, Malohat kabi biri-biridan çaqqon qizlar, Matnazar, Maşarif, Qudrat, Şuhrat va Şavkat kabi zabardast öğillar ota va onaga qöl-qanot bölişib, oilada farovon va tökis hayot hukmron bölişiga özlarining hissalarini qöşdilar.
Xalqimizda “Quş uyasida körganini qiladi”, degan hikmatli bir gap bor. Aytmoqçi bölganimiz – uşbu oilada dunyoga kelib, tarbiya topgan farzandlar uyli-joyli bölganlaridan keyin öz oilalarida ham ota-ona uyidagi tartib-intizomga, urf-odatlarga rioya qilişadi.
Hozirgi kunda Olimboy aka va Tölğonoy opa kiçik farzandlari Şuhrat va Şavkat, kelinlari Dilorom va Salomatlar bilan birga yaşaşadi.
Içki işlar bölimida 11-yil xizmat qilib, nafaqaga çiqqan farzandi Şuhrat bugungi kunda Olimboy aka maslahatlari asosida xonadon, tomorqa yumuşlarini bajarib kelayapti. Ukasi Şavkat ham tadbirkorlik qiladi, ham tomorqa işlariga qaraydi.
– Hozir bizning oilamiz hisobida 40 sotix yer bor, – deydi Olimboy aka bizni tomorqada amalga oşirilayotgan işlar bilan taniştirar ekan. – Mana şu yerning bir qismida boğ yaratganmiz. Boğimizda bugungi kunda 20 xil mevali daraxtlar hosil berayapti.
Olimboy aka xonadoni bilan yaqindan tanişar ekanmiz, ularning mehnatsevarligini, har birining oila farovonligi, dasturxoni tökinligi uçun jon kuydirişlarini körib qoyil qoldik.
Bugungi kunda uşbu xonadonda 15 ta qoramol, 100 ta parranda va 12 quti asalari ham boqilayapti. Bular, albatta, möl daromad manbaiga aylanib, har yili 25-30 million söm foyda körilişiga omil bölayapti.
– Biz muhtaram Prezidentimiz Şavkat Mirziyoyevning tomorqadan unumli foydalanişga eʼtiborni kuçaytiriş masalasidagi topşiriqlarini çin qalbimizdan qöllab-quvvatlaymiz, – deydi Olimboy aka Rajabov. – Tomorqadan unumli foydalansak, hayotimiz farovon, dasturxonimiz tökin böladi.
25 nafar nevaraning, 3 nafar evaraning bobosi va buvisi bölgan Olimboy aka va Tölğonoy opaga sihat-salomatlik, uzoq umr tilab, xonadonlaridan qut-baraka arimasin, deymiz.
Allambergan JUMANIYoZOV,
“Mening oilam” gazetasi muxbiri.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶