MAHALLIY BYuDJET: 2019-YILNING 1-YaRMIDA QANDAY IShLAR AMALGA OShIRILDI

Respublikamiz hududida iqtisodiy va ijtimoiy jarayonlarning rivoji uchun mahalliy byudjet mablagʻlaridan foydalaniladi. Mahalliy byudjet xarajatlari asosan shu hududdagi ijtimoiy-madaniy sohalarni moliyalashtirishga yoʻnaltiriladi.

Shu yilning 1-yarim yilligi davomida tuman mahalliy byudjetining daromadlar rejasi 18 mlrd. 104,7 mln. soʻmga belgilangan boʻlib, amalda 26 mlrd. 629, 2 mln. soʻmga, yaʼni reja 147,1 foizga 8 mlrd.435,5 mln. soʻmga ortiqcha bajarildi.

Bundan tashqari, Qoraqalpogʻiston Respublikasi byudjetidan olingan maqsadli ijtimoiy transfertlar miqdori 79 mlrd. 560,7 mln. soʻmni tashkil qildi.

Birinchi yarim yillik davomida mahalliy byudjetning xarajatlar qismi rejasi 120 mlrd. 863,4 mln. soʻmga belgilangan boʻlib, ushbu mablagʻlar asosan ijtimoiy-madaniy va aholini qoʻllab-quvvatlash xarajatlariga, iqtisodiyot sohasida olib borilayotgan islohotlar talablarini amalga oshirish tadbirlariga qaratildi.

Mahalliy byudjet xarajatlari umumiy taʼlim sohasiga jami 74 mlrd. 836, 6 mln. soʻm sarf-xarajat qilindi. Jami byudjet xarajatlari hajmining 66,2 foizini xalq taʼlim muassasalarini moliyalashtirishga sarflandi. Sogʻliqni saqlash sohasi xarajatlari uchun 20 mlrd. 231, 2 mln. soʻm sarf qilinib, mazkur tizim jami byudjet xarajatlari hajmining 17,89 foizini tashkil qildi.

Bundan tashqari, madaniyat va sport sohasi xodimlari ish haqi va unga tenglashtirilgan toʻlovlar hamda boshqa xarajatlariga 1 mlrd. 431, 5 mln. soʻm, ijtimoiy taʼminot sohasi xodimlari ish haqi va unga tenglashtirilgan toʻlovlari hamda boshqa xarajatlariga 430 mln. 695,3 ming soʻm, davlat boshqaruv idoralarining xodimlari ish haqi va unga tenglashtirilgan toʻlovlari hamda boshqa xarajatlariga 3 mlrd. 196,7 mln. soʻm, oʻzini-oʻzi boshqarish idoralari xodimlari ish haqi va unga tenglashtirilgan toʻlovlari hamda boshqa xarajatlariga 1mlrd. 923, 5 mln. soʻm, tuman hokimligi zahira jamgʻarmasi xarajatlariga  747 mln. 712,9 ming soʻm, boshqa xarajatlarga 3 mlrd. 797, 7 mln. soʻm miqdoridagi mablagʻ sarflangan boʻlib, barchasi toʻliq moliyalashtirilib berildi. Iqtisodiyot va qishlok xoʻjaligi xarajatlariga esa 5 mlrd.314,3 mln. soʻm mablagʻlar sarflandi.

Tasdiqlangan rejadan tashqari tuman tuman hokimining tegishli qaror va farmoyishlari asosida yil boshidagi erkin qoldiq mablagʻlari hisobidan jami 2 mlrd.831,9 mln. soʻm va daromadlar rejasining ortiqcha bajarilgan qismi mablagʻlari hisobidan jami 3 mlrd. 978,4 mln. soʻm sarflandi.

Ushbu xarajatlarning asosiy qismi ijtimoiy soha binolarini taʼmirlashga va aholining turmush farovonligini oshirishga sarflandi.

U.BEKNIYaZOV,
tuman Moliya boʻlimi mudiri.