MAHALLADA HAM KASBIY FAOLIYaTIMDA HAM XALQ BILAN BIPGAMAN

Biz hammamiz mahallada yashaymiz, mahallamizdagi har bir koʻcha, har bitta xonadon, mahallaning yosh-u qarisi biz uchun qadrli, tanish. Shuning uchun ham mahallamizning har bir qarich yerini obod, xalqini farovon, baxtiyor koʻrgimiz keladi.

Men Mangʻit shahrining Oybek nomli  mahallasida yashayman. Garchi tuman Tibbiyot birlashmasida faoliyat yuritsam-da, oʻzim istiqomat qiladigan mahalla va koʻchaning doimo obodon va sarishta boʻlishi, toʻy-marosimlarning kamchiqim, fayzli oʻtishi uchun mahallamiz faollari bilan hamjihatlikda ish yuritishga harakat qilaman. Yilning toʻrt faslida ham Oybek nomli mahallamizda obodonlashtirish va koʻkalamzorlashtirish ishlari aslo toʻxtamaydi. Har bir xonadonning moʻʼjazgina oʻz bogʻ-rogʻi bor tomorqasini rizq-roʻz manbaiga aylantirmagan xonadon yoʻq hisobi.

Mahalla faollari bilan birgalikda turli bayram sanalari munosabati bilan madaniy-maʼrifiy tadbirlar oʻtkazamiz. Ayniqsa, yoshlarning boʻsh vaqtlarini mazmunli oʻtkazish, ularning  bandligini taʼminlash, giyohvandlikka qarshi kurash, erta va qarindoshlar nikohining oldini olish, diniy-eksremizmga, yot gʻoyalarga qarshi kurash mavzularidagi tadbirlarga butun mahalla yoshlari qamrab olinadi. Bu kabi tadbirlar bois, mahallamizda jinoyatchilik, maʼmuriy huquqbuzarlik holatlari yoʻq hisobi.

Men 7-Oybek saylov okrugidan saylangan Adolat SDPdan xalq deputatlari tuman Kengashi deputati sifatida saylovchilarning  manfaatlarini himoya qilish maqsadida ularning murojaatlari boʻyicha partiya Kengashiga 8 ta soʻrovnoma kiritib, bu murojaatlarning oʻz vaqtida hal etilishida deputatlik vakolatim doirasida ish yuritib, mahallamiz aholisi hayotiga oid muammolar yechimini topishda oʻz hissamni qoʻshganimdan mamnunman.

Mahalladagi ikki nafar qariya holidan tez-tez xabar olish, turli bayramlar sanalari munosabati bilan ibratli oilalar bekalari va xalqimizga oʻz vaqtida fidoyi xizmat qilgan, ayni paytda nafaqada boʻlgan insonlarga sovgʻalar berish, xonadonlarga  kirib, xalq bilan ochiq muloqotlar oʻtkazish, saylovchilarning murojaatlarini joyiga chiqib oʻrganish, partiya guruhi aʼzolari bilan birgalikda yoshlar oʻrtasida ochiq va oshkora tarbiyaviy suhbatlar oʻtkazish doimiy anʼanaga aylangan.

Oʻz kasbiy faoliyatim bilan bogʻliq masalalarni hal etishda ham bevosita Adolat SDPning saylovoldi dasturi va saylovdan keyingi rejaviy tadbirlarini oʻz vaqtida bajarishni oʻz burchim deb bilaman. Tuman Tibbiyot birlashmasi kasaba uyumasi qoʻmitasining yillik va choraklik rejaviy tadbirlari doirasida turli bayram sanalari munosabati bilan faol kasaba uyushma aʼzolari ragʻbatlantirib borilmoqda. Chunonchi, 8-mart – Xalqaro xotin-qizlar kuni munosabati bilan tibbiyot xodimlaridan 40 nafar ayol-qizlarga, Navroʻz - umumxalq bayrami arafasida 50 nafar faxriy va eng faol shifokorlarga kasaba uyushma qoʻmitasi tomonidan qimmatbaho sovgʻalar berildi. 9-may -  Xotira va qadrlash kuni munosabati bilan sobiq afgʻon urushi faxriylari uchun “Bir piyola choy ustida gurung” tadbiri tashkil etilgani ayni muaddao boʻldi. Faxriy jangchilar olis yillar xotiralarini eslab, madaniy va maʼnaviy dam oldilar.

Shuni alohida taʼkidlash kerakki mehnat ahli hamisha mazmunli hordiq chiqarish, sayohatlar qilish evaziga oʻz sogʻligini, mehnat qobiliyatini tiklab oladi. Shu bois, TTB kasaba uyushma qoʻmitasi tomonidan har yili tibbiyot xodimlari uchun tarixiy qadamjolarga, mamlakatimizning tarixiy shaharlariga sayohatlar uyushtirilib turiladi. Xususan, Nukus shahridagi Savitskiy nomidagi tarixiy muzeyga, Xiva shahriga, Shayx Jalil ota, Sulton Uvays Koraynin, Kechirmas ota, Norinjon bobo ziyoratgohlariga uyushtirilgan sayohatlarda har safar 50-60 nafar tibbiyot xodimlari oila aʼzolari bilan miriqib dam oladilar. Bundan tashqari, kasaba uyushma qoʻmitasi homiyligida “Sogʻlom oila” shiori ostida tashkil etiladigan oilaviy sport musobaqalari muntazam ravishda oʻtkazilmoqda.

Albatta, bu kabi tadbirlar har bir mehnatkash insonning qalbida ona yurtga muhabbat tuygʻularini uygʻotib, kasbiy faoliyatida va hayotda faollikka undaydi, joʻshqin kayfiyat baxsh etadi, Hayotga joʻshqin nazar bilan boqishga oʻrgatadi va bundayoin joʻshqinlik insonni maʼnan yuksaltiradi.

Poʻzimboy NUPIMBETOV, TTB kasaba uyushma qoʻmitasi raisi,

Xalq deputatlari tuman Kengashi deputati.