Yangiobod mahallasida 20 ta namunaviy loyihadagi arzon uylar oʻz egalariga topshirildi (+video)
Mamlakatimizda xalq uchun farovon hayot tarzini yaratish, turmush darajasini yuksaltirish maqsadida namunaviy loyihalar asosidagi uy-joylar bunyod etilmoqda. Qishloq aholisining keng qatlami ana shunday shinam va arzon uy-joylar bilan taʼminlanmoqda.
Namunaviy loyihalar boʻyicha arzon uylar qurish Dasturiga asosan tumanimizda ham mazkur yilda barcha qulayliklarga ega boʻlgan 212 ta arzon uy-joy qurib bitkazildi.
9-iyun kuni Yangiobod mahallasida bunyod etilgan arzon uylarni foydalanishga topshirishga bagʻishlangan katta tantana boʻlib oʻtdi. Bu yerda “Karimboyev Shahboz” masʼuliyati cheklangan jamiyatining qoʻli gul quruvchilari tomonidan qurilgan 2 sotixli 20 ta zamonaviy uy-joy egalariga tantanali ravishda topshirildi. Topshirish marosimida tuman hokimi Sultonboy Yoʻldashev, tuman Xalq qabulxonasi mudiri Erkin Pajabov, “Yangiobod” mahallasi raisi Zebo Pajabova hamda pudratchi tashkilotlar rahbarlari ishtirok etdilar.
Tuman hokimi Sultonboy Yoʻldashev marosimni ochib berdi va yangi uylarga koʻchib kelgan xonadon egalarini chin yurakdan samimiy muborakbod etdi. Prezidentimiz Shavkat Mirziyoyev tashabbusi bilan mamlakatimizda keng koʻlamda namunali uy-joylar qurilayotgani, butun respublikamizda boʻlayotgani singari tumanimizda ham jadal surʼatlarda qurilish va bunyodkorlik ishlari ketayotganligini taʼkidladi. Uylar atrofiga mevali va manzarali daraxtlar koʻchatini koʻchirish, eshik oldiga ham turfa gullar ekish boʻyicha oʻz tavsiyalarini berdi.
Xonadon egalari uylar tabiiy gaz, toza ichimlik suvi va elektr energiyasi bilan toʻliq taʼminlanganligini, issiq, sovuq suv muntazam kelib turganligini mamnuniyat bilan aytib, bunday imkoniyatlar, yaratilgan sharoitlar uchun oʻz minnatdorchiliklarini bildirdilar.
“Gulzor” mahallasida qurilayotgan 24 xonadonli, koʻp qavatli arzon uy-joylar ham yaqin vaqt ichida foydalanishga topshirilishi rejalashtirilmoqda. Bunday zamonaviy ixcham uylar qurilishi xalqimizning turmush madaniyatini yuksaltirishga xizmat qiladi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
