SAYLOVDA ENG MUNOSIB NOMZODLAR SAYLANADI
Shu kunlarda yurtimizda fuqarolar yigʻinlari raislari va ularning maslahatchilari saylovini demokratik tamoyillar asosida, faollik bilan oʻtkazish, fuqarolar yigʻinlari raislariga eng munosib oliy maʼlumotga, el ichida obroʻ-eʼtiborga ega va dunyoqarashi keng, el dardi bilan yashaydigan kishilarning saylanishiga erishish uchun qizgʻin hozirlik koʻrilmoqda. Boisi kelgusida mahalla institutining jamiyat hayotida tutgan oʻrni va nufuzinining oshishi, uning islohotlar jarayonidagi ishtirokining kengayishi aynan shu lavozimga saylangan kishilar faoliyati bilan chambarchas bogʻliqdir.
Ayni kunlarda yurtdoshlarimizga fuqarolar yigʻinlari raislari saylovi ahamiyatini teran tushuntirish, saylov oʻtkazish jarayonidagi oʻzgarishlar, oʻzlari istiqomat qiladigan mahallaning ertasi qanday boʻlishi – ularning koʻpnomzodlilik asosida oʻtkaziladigan saylovda kimga ovoz berishiga koʻp jihatdan bogʻliq ekanligi tushuntirilmoqda.
Targʻibot tadbirlari davomida fuqarolar oʻzlarining faolligi orqali mahallalardagi obodonlashtirish hamda koʻkalamzorlashtirish, aholini manzilli ijtimoiy qoʻllab-quvvatlash, yoshlarni turli yot gʻoyalardan, mafkuraviy xurujlardan ishonchli himoya qilish, milliy qadriyatlarimizni, urf-odat va anʼanalarmizni asrab-avaylash, shuningdek, boshqa dolzarb masalalarda ulkan masʼuliyatni his etishini, oʻz fuqarolik burchini chuqur anglashini namoyon etdilar. Shu jihatdan olib qaraydigan boʻlsak, yaqinlashib kelayotgan fuqarolar yigʻinlari raislari saylovi yuksak faollik bilan oʻtkazilishi taʼminlanishiga, katta hayotiy tajriba, aniq ish dasturiga ega, aholi oʻrtasida hurmat-eʼtibor qozongan insonga mahalla taqdiri ishonib topshirilishiga umid uygʻotadi.
Saylovoldi targʻibot tadbirlarida xalq deputatlari tuman Kengashi deputatlari ham faol ishtirok etib, oʻzlari saylangan hududlarda aholi bilan jonli muloqotlar qilishmoqda, fuqarolar yigʻinlari sayloviga kiritilgan qonunchilik yangiliklarini, bu borada eng munosib nomzodga ovoz berish imkoniyati yaratilganini tushuntirmoqda.
Ushbu siyosiy jarayonda men ham qatnashib, saylovchilarimga qoʻlimdan kelganicha targʻibot-tashviqot qilmoqdaman.
Qurboniyozov, xalq deputatlari
tuman Kengashi deputati, fermer.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
