TABIATNI ASRANG, YaXŞILAR
Bir kuni opam bilan maktabdan qaytayotsak, qöşnimiz Oyşa opa bir qança çiqindilarni kanalga taşlab yubordi. Odamlarning hayot manbai bölgan suvga turli çiqindilarni taşlagani uçun juda xafa böldim. Uyga borganimizdan keyin buvimga bölgan voqeani aytib berdim. Buvim:
– Qizlarim, – dedilar muloyimlik bilan, – tabiat insonsiz yaşaşi mumkin, ammo inson tabiatsiz, suvsiz yaşay olmaydi. Şuning uçun biz insonlar tabiatni asraşimiz, suvga har xil çiqindilarni taşlamasligimiz kerak. Ota-bobolarimizning: “ummon oldida tursang ham, bir tomçi suvni isrof qilma,” deb aytgan ögitlariga amal qilib yaşamoğimiz kerak.
Aziz tengdoşlar, qadrli onajonlar!
Men hali kiçkinadirman, lekin sizlardan ötinib sörayman, tabiatga ozor yetkazmaylik, oldimizdan oqqan suvning qadriga yetaylik! Oyşa opa kabi onaxonlarni katta yoşdagi momolarimiz salgina tartibga çaqirib qöysalar, deyman. Çunki oqar suv oqib-oqib tomorqamizga, boğroğimizga hayot baxş etadi, çanqoğimizni qondiradi. Yoz böyi esa biz uçun tabiiy suv vannasi vazifasini bajaradi. Bas, şunday ekan, oldimizdan oqayotgan zilol obi-hayotni zaharlamaylik!
Iroda BEKIMBETOVA, 30-maktab öquvçisi.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶