Oʻzboshimchalik bilan qurilgan uy-joyingizni muddatidan kechikmasdan qonuniylashtiring
Shu yil 20-aprelda Prezidentimizning «Fuqarolarni ijtimoiy qoʻllab-quvvatlash boʻyicha qoʻshimcha chora-tadbirlar hamda oʻzboshimchalik bilan qurilgan turar joylarga nisbatan mulk huquqini eʼtirof etish boʻyicha bir martalik umumdavlat aksiyasini oʻtkazish toʻgʻrisida»gi Farmoni qabul qilingan edi. Shunga koʻra, turar joylarga nisbatan mulk huquqini eʼtirof etish boʻyicha bir martalik umumdavlat aksiyasi doirasida jismoniy shaxslarning qurilish maqsadlari uchun ajratilmagan yer uchastkalarida yoki oʻzboshimchalik bilan qurilgan yakka tartibdagi uy-joyga nisbatan mulk huquqini eʼtirof etish haqidagi murojaatlari koʻrib chiqilmoqda.
Tuman Davlat xizmatlari markaziga shu yilning dekabr oyiga qadar bu borada 861 ta murojaat kelib tushgan boʻlsa, shundan 334 nafar fuqaroga tuman hokimining mulk huquqini eʼtirof etish boʻyicha qarori chiqarildi.
2019-yil 1-maygacha davom etadigan aktsiya boʻyicha mulk huquqini eʼtirof etish va kadastr hujjatlari 2 ta shart asosida, yaʼni yer uchastkasi (uchastkaning bir qismi) unga qonun hujjatlariga muvofiq, turar joy qurish uchun ajratilishi mumkin boʻlmagan yerda joylashmagan va oʻzboshimchalik bilan qurilgan imorat shaharsozlik talablarini, shuningdek, uning saqlab qolinishi boshqa shaxslarning huquqlari va qonun bilan qoʻriqlanadigan manfaatlarini buzmasa yoxud fuqarolarning hayoti va sogʻligʻiga xavf tugʻdirmagan taqdirda beriladi.
Qaror koʻp qavatli uylarga va ularga tutashib ketgan yer uchastkalariga oʻzboshimchalik bilan qurilgan imoratlarga, noturar joylarga nisbatan tatbiq etilmaydi.
Fuqarolar oʻzboshimchalik bilan qurgan imoratga mulk huquqini olish uchun oʻsha hududdagi Davlat xizmatlari markazlari orqali tuman, shahar hokimi nomiga ariza bilan murojaat qiladi. Arizaga murojaat qiluvchining pasport nusxasi, oila aʼzolari, yerga egalik qilgan muddat va imorat qurilgan vaqti toʻgʻrisida mahalla fuqarolar yigʻinidan maʼlumotnoma taqdim qiladi. Bundan boshqa hujjat talab qilish mumkin emas. Bir martalik aktsiya doirasida eng kam ish haqining 5 barobari miqdorida yigʻim toʻlanadi. Agarda murojaat etuvchi yolgʻon maʼlumot taqdim etsa, ariza rad etiladi.
Ariza va taqdim etilgan hujjatlar kadastr xizmati tomonidan oʻrganilib, xulosa berilgach, tuman komissiyasi imoratga mulk huquqini eʼtirof etish yoki rad etish toʻgʻrisida qaror chiqaradi.
Ushbu aktsiya 2019-yil 1-maygacha boʻlgan muddatga qadar davom etadi. Keyinchalik oʻzboshimchalik bilan qurilgan imoratlarga mulk huquqini olish boʻyicha murojaatlar qabul qilinmaydi.
Oybek Ahmedov, tuman Davlat xizmatlari
markazi bosh mutaxassisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
