“Konstitutsiya — mamlakatimizda amalga oshirilayotgan islohotlar va bunyodkorlik ishlarining muhim poydevori” mavzusida davra suhbati oʻtkazildi
Amudaryo qishloq xoʻjaligi kasb-hunar kollejida Oʻzbekiston Pespublikasi Konstitutsiyasi qabul qilinganining 26 yilligi munosabati bilan “Adolat” SDP tuman Kengashi tomonidan “Konstitutsiya — mamlakatimizda amalga oshirilayotgan islohotlar va bunyodkorlik ishlarining muhim poydevori” mavzusida davra suhbati tashkil qilindi. Davra suhbatida tuman Adliya boʻlimi boshligʻi M.Matyusupov, xalq deputatlari tuman Kengashi deputati Z.Saparova, kollej oʻqituvchilari hamda faol yoshlar ishtirok etdilar.
Tadbirda soʻzga chiqqanlar Konstitutsiyamiz qabul qilingan kun xalqimiz uchun mustaqil taraqqiyot yoʻlini belgilab, milliy davlatchilik, yangi siyosiy-ijtimoiy tizim barpo etish, demokratik davlat va fuqarolik jamiyati qurishning huquqiy poydevorini yaratib bergan muhim sanalardan biri ekanligini taʼkidladilar. Konstitutsiya oʻtgan yillar mobaynida mamlakatimizning inson, uning huquqlari, manfaat va erkinliklarini haqiqiy qadriyat deb biladigan mustaqil va suveren davlatga aylanishida asosiy dasturilamal boʻlganligi, yurtimizda yuz berayotgan siyosiy yangilanishlar, ulkan islohotlar amalga oshirilishida ushbu hujjat muhim ahamiyat kasb etayotganligi toʻgʻrisida aytib oʻtdilar. Yurtimizdagi tinchlik-osoyishtalik va bagʻrikenglik muhiti, barcha millat va elatlarning ahil-inoq, hamjihatlikda hayot kechirishida Bosh Qomusimizning katta axamiyatga ega boʻlayotganiga keng toʻxtalishdi. Shuningdek, Konstitutsiyamizni chuqur oʻrganish, unda belgilangan qoida va tamoyillarni hayotga tatbiq etishda har bir fuqaro faol ishtirok etishi lozimligini taʼkidladilar.
Davra suhbatida Konstitutsiyaning qabul qilinishi tarixi, Konstitutsiyaga kiritilgan oʻzgartirish va qoʻshimchalar haqida ham yetarlicha maʼlumot berildi.
Sharofat Eshmurodova, “Adolat” SDP tuman
Kengashi ijrochi kotibi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
