NILUFAR NAVOIY ASARLARINING ENG BILIMDONI EKANLIGINI NAMOYISh ETDI
Yoshlar oʻrtasida kitob mutolaasi va kitobxonlik madaniyatini oshirish, yoshlarni ulugʻ mutafakkir shoir, soʻz mulining sultoni Alisher Navoiy hayoti va ijodini chuqur oʻrganishga ragʻbatlantirish, asarlarining mazmun-mohiyatini, milliy maʼnaviyatimizning rivojida tutgan oʻrnini teran anglashlariga erishish maqsadida Oʻzbekiston Milliy tiklanish demokratik partiyasi respublika Kengashi umumtaʼlim maktablari oʻquvchilari orasida “Navoiy vorislari” respublika tanlovini oʻtkazishni rejalashtirgan edi.
Yaqinda ana shu tanlovning tuman bosqichini OʻzMTDP tuman Kengashi hamkor tashkilotlar ishtirokida yuksak saviyada oʻtkazdi.
Tanlovda ishtirokchilar eng koʻp Navoiy gʻazallarini yod bilish, gʻazallarini bexato va ifodali oʻqish, gʻazal matnining nasriy bayonini yarata olish, gʻazal matnidagi tushunish qiyin boʻlgan soʻzlarni izohlab bera olish boʻyicha oʻzaro bellashdilar.
Hakamlar hayʼati oʻquvchilarning bu boradagi bilimlarini odilona baholab bordilar. Natijalarga koʻra, 18-sonli maktab oʻquvchisi Nilufar Turkmanboyeva tanlov gʻolibi deb topildi. Ikkinchi oʻrinni 29-sonlimaktab oʻquvchisi Mahliyo Jumaboyeva, uchinchi oʻrinni esa Dinora Shavkatova egalladi.
Gʻolib oʻquvchi Nilufar Turkmanboyeva ushbu tanlovning Qoraqalpogʻiston Respublika bosqichida ishtirok etish huquqini qoʻlga kiritdi.
Tanlov yoshlarga Alisher Navoiyning maʼnaviy mulkimizga aylangan benazir ijodiy merosini oʻrganishga targʻib etgani, bu borada eng bilimdon oʻquvchilarni ragʻbatlantirgani bilan ahamiyatli boʻldi.
O.RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
