“BOYOVUL” MAHALLASIDA MILLIY URF-ODAT VA QADRIYaTLAR HAQIDA DAVRA SUHBATI OʻTKAZILDI.
Har bir millatning oʻziga xos urf-odati va anʼanalari, qadriyatlari bor. Ular avloddan-avlodga oʻtib, xalq orasida qadrlanadi. Ayniqsa, yoshi ulugʻ nuroniylar bu udumlarni yoshlar ongiga singdirib, oʻrgatib kelishadi. Yoshlar milliy anʼana va odatlarni keksalardan oʻrganib kamolga yetadi.
“Boyovul” mahallasida “Yoshlarning milliy urf-odat va qadriyatlarga munosabati” mavzusida oʻtkazilgan davra suhbatiga mahallaning piru-badavlat, nuroniy otaxonlari Bozorboy Xolimbetov, Jumaboy Haytmurodovlar, onaxonlar Qizlargul Eshimbetova, Bibijon Siytimovalar taklif etildi. Tuman Amudaryo televideniyesi tahririyatining “Odobli bola – el koʻrki” nomli davlat granti loyihasi doirasida tashkillashtirilgan bu tadbirda tuman Xotin-qizlar qoʻmitasining xotin-qizlar bilan ishlash va oilalarda maʼnaviy-axloqiy qadriyatlarni mustahkamlash boʻyicha mutaxassisi Shoira Yakubova, “Taraqqiyot koʻzgusi” tuman gazetasi muxbiri Ozoda Xudoyberganova, 16-sonli maktab oʻqituvchilari va mahalla faollari, yoshlar ishtirok etdilar.
Oilasi elda namunali, farzandlari yurtga munosib, vatanparvar boʻlib voyaga yetgan otaxon va onaxonlar yoshlarga Ramazon oyi fazilatlari, anʼanalar, urf-odat va qadriyatlar, ularning mohiyati haqida soʻzlab berdilar. Yoshlarning yurish-turishi, odob-axloqida milliyligimiz aks etib turishi zarurligini aytib, oʻz oʻgitlarini berdilar.
Davra suhbati mahalla hududidagi 16-maktab oʻqituvchilari Nargiza Qurbonboyeva, Gulzor Primova, mahalla yoshlari Shahzoda Rustamboyeva, Qayumjon Yusupov va boshqalarning fikr-mulohazalari bilan yanada qizgʻin tus oldi.
Yoshlarning milliy urf-odat va qadriyatlarga munosabati mavzusida oʻtkazilgan davra suhbati barchaga manzur boʻldi.
Baxtiyor Bobojonov,
16-sonli maktabning Maʼnaviyat va maʼrifat
masalalari boʻyicha direktor oʻrinbosari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
