YoSh ShAXMATChILAR QORAQALPOGʻISTON ChEMPIONI BOʻLDI
Shaxmat – mamlakatimizda rivojlantirilayotgan sport turlaridan biri sanaladi. Shu bois sportning bu turi nufuzli musobaqalar dasturiga kiritilgan. Shaxmat bilan shugʻullanib kelayotgan yosh sportchilarimiz nafaqat yurtimizdagi musobaqalarda balki oʻtkazilayotgan xalqaro musobaqalarda ishtirok etib, sovrinli oʻrinlarni qoʻlga kiritib kelishmoqda.
Tumanimiz sport maktabidagi murabbiylar Rahmatjon Rahimov va Zafar Qurbonovlardan qadim tarixga ega boʻlgan shaxmat oʻyini sirlarini oʻrganayotgan yosh shaxmatchilar ham Nukus shahrida oʻtkazilgan Qoraqalpogʻiston Chempionatida qatnashib, oʻz iqtidorlarini sinab koʻrdilar. 1-4-aprel kunlarida boʻlib oʻtgan musobaqalarda ishtirok etgan tumanimiz yosh shaxmatchilari Saidbek Qadamboyev, Shohjahon Mamatsoliyev va Sevinchoy Safarboyevalar raqiblarini mot qilishga erishib, faxrli 1-oʻrin gʻolibi boʻldilar va shaxmat boʻyicha chempionlikni qoʻlga kiritdilar.
Gʻolib shaxmatchilarga 9-18-aprel kunlari Toshkent shahrida oʻtkaziladigan Oʻzbekiston chempionatida qatnashishga yoʻllanma berildi.
Hamida RAJABOVA, tuman Bolalar-oʻsmirlar sport maktabi murabbiysi.
“Kim boʻlsam ekan?..”
Inson oʻz hayot yoʻlini munosib kasb tanlashi ham muhim ahamiyatga ega. Shu bois kichik yoshdan bolalarga turli kasb va hunarlar haqida tushunchalar berilib, yoʻnaltirib va oʻrgatib boriladi. 13-maktabda ham oʻquvchilarni kasb-hunarga yoʻnaltirish maqsadida “Kim boʻlsam ekan?..” mavzusida tadbir oʻtkazildi.
Bayramona bezatilgan katta zalda gullar, bukletlardan tashqari, milliy hunarmandchilik namunalari, turli kasblarga doir ish qurollari va maxsus ish kiyimlari koʻrgazmaga qoʻyildi. Boshlangʻich sinf oʻquvchilari tomonidan tayyorlangan tadbirni maktabning 3-sinf oʻquvchilari Maftuna Yakubova va Sevinchoy Maqsadboyevalar olib bordilar. 3-,4-sinf oʻquvchilari turli kasb egalari koʻrinishida chiqib, kasb-hunar haqida hikmatli soʻzlar, maqollar, rivoyatlar, sheʼr va qoʻshiqlar aytdilar. Raqs va sahna koʻrinishlari ham ijro etildi.
Yurtimizda yoshlarga keng imkoniyat eshiklari ochilgan. Yoshlarimiz mana shu imkoniyatlardan unumli foydalansalar, albatta, munosib kasb egalari boʻlib yetishib, jamiyat ravnaqiga oʻz hissalarini qoʻshadilar.
Aziza AHMEDOVA, 13-maktab muxbirlar posti aʼzosi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
