Xalq deputatlari Amudaryo tuman Kengashining qirq birinchi sessiyasi toʻgʻrisida AXBOROT
2017-yil 31-dekabr kuni Xalq deputatlari Amudaryo tuman Kengashining qirq birinchi sessiyasi boʻlib oʻtdi.
Sessiyada “Oʻzbekiston Respublikasi Prezidentining 2017-yil 8-avgustdagi “Hududlarning jadal ijtimoiy-iqtisodiy rivojlanishini taʼminlashga doir ustuvor chora-tadbirlar toʻgʻrisida”gi PQ-3182-sonli qarorining ijrosi boʻyicha sektor rahbarlarining hisoboti haqida”gi hamda “Amudaryo tumani mahalliy byudjetining 2018-yilgi asosiy koʻrsatkichlari toʻgʻrisida”gi masalalar muhokama qilindi.
Kun tartibidagi birinchi masala boʻyicha 1-sektor rahbari, tuman hokimi Yoʻldashev Sultonboy Rajapbayevich, 2-sektor rahbari, tuman prokurori Sabirov Faxriddin Qutlimuratovich, 3-sektor rahbari, tuman ichki ishlar boʻlimi boshligʻi Ibragimov Dilshodbek Ataxanovich hamda 4-sektor rahbari, tuman davlat soliq inspektsiyasi boshligʻi Kamalov Botirbek Urazbayevichlar hisobot berdi.
Hisobotlarda Oʻzbekiston Respublikasi Prezidentining yuqoridagi qaroriga asosan ishlarni samarali tashkil etish, sektor rahbarlari tomonidan oʻzlariga biriktirilgan hududlarda aholini qiynayotgan muammolarni yechish, aholi bilan muloqotlar oʻtkazish, xonadonma-xonadon kirlib, mahallalarda aniqlangan muammolarni hal qilish boʻyicha qator amaliy ishlar qilinayotgani aniq misollar asosida aytib oʻtildi.
Kun tartibidagi masala boʻyicha tuman Kengashi deputatlari soʻzga chiqib, mahallalarda aholi bilan uchrashuvlar oʻtkazilib sektor rahbarlari tomonidan hududlarni ijtimoiy-iqtisodiy jihatdan rivojlantirish borasida amaliy ishlar olib borilganligi, aholining muammolari imkon qadar ijobiy yechim topayotganligi, tumandagi kommunal soha rahbarlari tomonidan kamchiliklar bartaraf qilinayotganligi taʼkidlanib, sektor rahbarlari tomonidan amalga oshirilayotgan ishlari boʻyicha hisobotlari qoniqarli deb baholandi.
Shuningdek, sessiyada Amudaryo tumani mahalliy byudjetining 2018-yilgi asosiy koʻrsatkichlari muhokama qilinib, deputatlar tomonidan bir ovozdan tasdiqlandi.
Kun tartibidagi masalalar boʻyicha tegishli qarorlar qabul qilindi va shuning bilan sessiya oʻz ishini yakunladi.
Tuman hokimligining axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
