Islom Karimov tavalludining 80 yilligiga bagʻishlab tadbir oʻtkazildi
Birinchi Prezidentimiz Islom Karimov tavalludining 80 yilligiga bagʻishlangan tadbirlar keng miqyosda oʻtkazilmoqda. Tumanimizdagi Amudaryo akademik litseyi majlislar zalida ham ana shunday tadbir boʻlib oʻtdi.
Bu kunni munosib nishonlash va Birinchi Prezidentimiz xotirasiga ehtirom koʻrsatish maqsadida Audaryo akademik litseyida katta tayyorgarlik koʻrilib, dastlab litsey foyesida Islom Karimov suratlari va asarlaridan tashkil topgan koʻrgazma namoyish etildi.
Tadbirda hokimi oʻrinbosari A.Yoʻldoshev, hokim oʻrinbosari, Xotin-qizlar qoʻmitasi raisi M.Ahmedova, va boshqalar soʻzga chiqib, Birinchi Prezidentimizning ozod va obod Vatan barpo etish yoʻlidagi mehnatlari, xalq kelajagi uchun amalga oshirgan ezgu ishlari, yosh avlod uchun yaratgan imkoniyatlari va gʻamxoʻrliklari haqida soʻzladilar. Shundan soʻng, akademik litseyning tarix fani oʻqituvchisi Sh.Madrimov Birinchi Prezidentimiz hayotiga oid slayd taqdim etdi. Taqdimotdan keyin Islom Karimov hayoti va faoliyati haqida tayyorlangan videorolik namoyish etildi.
Tadbirda Amudaryo akademik litseyi oʻquvchilari Islom Karimov haqidagi sheʼrlarini ifodali aytib berdilar va tuman Madaniyat boʻlimi havaskor sanʼatkorlari Vatan madh qilingan qoʻshiqlarini tomoshabinlar eʼtiboriga havola etdilar.
O. Xudoyberganova
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
