QUTLUGʻ SAFAR OLDIDAGI OʻYLAR
Men tuman Tibbiyot birlashmasida 22-yil kichik hamshira boʻlib ishlab, nafaqaga chiqqanman. 70 yoshdan oshib ketgan boʻlsam ham gazeta-jurnal oʻqib, televizor tomosha qilib, yurtimizda, dunyoda boʻlayotgan voqea-hodisalardan xabardor boʻlib turaman. Dunyoning turli hududlaridagi odamlarning hayot tarzini koʻrib, yurtimizdagi tinchlik, osoyishtalik va farovonlikka cheksiz shukronalar aytaman.
Men farzandlarimni ham ona, ham ota boʻlib oyoqqa turgʻazdim. Uyli-joyli boʻlishdi. Hozir nevaralarim ham kamolga yetib qoldi. Bir ona sifatida ularning kelajagidan xotirjam boʻlish ham naqadar ulkan baxt men uchun.
Yurtimizning barcha fuqarolarini ana shunday dorilomon kunlarga yetkazgan Yaratganga hamdu sanolar boʻlsin!
Mustaqillik yillarida xalqimiz oʻz inon-ixtiyoriga ega boʻldi. Necha yillar taʼqiqlab kelingan muqaddas islom dinimiz oʻzimizga qaytdi, xotirjam toat-ibodatimizni amalga oshiradigan boʻldik.
Shuningdek, musulmonlarning muqaddas haj safariga borishlari uchun shart-sharoitlar yaratildi.
Joriy yil birgina bizning tumanimizning oʻzidan 22 nafar fuqaro ana shu maqsadda koʻngillarida shukronalik bilan haj safariga yoʻlga otlanmoqda. Menga ham ana shunday ulugʻ baxt nasib etdi. Yoʻlga otlanar ekanman, bizga buning uchun shunchalik qulay sharoitlarni yaratib bergan, hatto safar xarajatlarining maʼlum qismini oʻz zimmasiga olgan davlatimizdan, Yurtboshimiz Sh.Mirziyoyevdan, tumanimiz hokimi S.Yoʻldashevdan cheksiz minnatdorligimni gazeta orqali izhor qilgim keldi.
Va barcha yurtdoshlarimizni bizni ana shunday bebaho baxtga musharraf etgan mustaqilligimizning 26 yilligi bilan qizgʻin qutlayman. Barchaga omonlik, uzoq umr, sihat-salomatlik tilayman. Ilohim, shu jannatmakon yurtimizga koʻz tegmasin!
Oʻgʻiljon OʻROZOVA,
"Chordara” mahallasida yashovchi fuqaro.
(Foto - http://islom.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
