Oʻzbekiston Respublikasi Prezidenti Sh.M.Mirziyoyevning 2017-yil 12-iyulda boʻlib oʻtgan videoselektor yigʻilishidagi maʼruzasidan kelib chiqadigan ustuvor vazifalarni amalga oshirish toʻgʻrisida

Xalq deputatlari Amudaryo tuman Kengashi

_____________________________________________________________

QARORI

  2017-yil 25-iyul                                                  № 124/34-05

Oʻzbekiston Respublikasi Prezidenti Sh.M.Mirziyoyevning 2017-yil 12-iyulda boʻlib oʻtgan videoselektor yigʻilishidagi "Parlamentimiz haqiqiy demokratiya maktabiga aylanishi, islohotlarning tashabbuskori va asosiy ijrochisi boʻlishi kerak” deb nomlangan maʼruzasidan kelib chiqadigan ustuvor vazifalarni amalga oshirish toʻgʻrisida

Oʻzbekiston Respublikasi Prezidenti Sh.M. Mirziyoyev tomonidan mamlakatimizda jamiyat hayotining barcha sohalarini yanada erkinlashtirish va isloh qilish jarayonlari izchil davom ettirilmoqda.

Barcha darajadagi rahbarlarning xalq bilan muntazam ravishda muloqotlar oʻtkazish tizimining joriy etilganligi joylardagi haqiqiy holatni oʻrganishda va aholini oʻylantirayotgan koʻplab muammolarni hal etishda samarali mexanizm boʻlib xizmat qilmoqda.

Olib borilayotgan islohotlar, shu jumladan qabul qilinayotgan qonun hujjatlari, asosan, fuqorolarning murojaatlarida koʻtarilayotgan hayotiy dolzarb masalalarni xalqning fikr-mulohazalarini inobatga olgan holda hal etishga qaratilmoqda.

Davlat hokimiyati va boshqaruvi organlarining faoliyati ustidan tizimli jamoatchilik nazorati hamda turli darajadagi rahbarlarning hisoboti va axborotini Oliy Majlis palatalarida, xalq deputatlari mahalliy Kengashlarida, mahallalarda muntazam ravishda eshitish tizimi joriy etilmoqda. Mazkur tadbirlar tegishli sohalarda olib borilayotgan ishlarning sifatini va samaradorligini oshirishga xizmat qilmoqda.

Bugungi kunda ushbu jarayonlarda xalq deputatlari mahalliy Kengashlari va siyosiy partiyalarning oʻrni va masʼuliyati har qachongidan ham muhim ahamiyat kasb etmoqda.

Shu munosabat bilan xalq deputatlari mahalliy Kengashlari va siyosiy partiyalarning ish uslubini tubdan oʻzgartirishni, jumladan, aholi bilan doimiy muloqotlar olib borish, aholini oʻylantirayotgan hayotiy dolzarb muammolarni bartaraf qilishda faol ishtirok etish, hududning ijtimoiy-iqtisodiy hayotiga daxldor masalalarni hal qilish borasidagi tashabbuskorlikni oshirish kabi tadbirlarni samarali tashkil etishni hayotning oʻzi taqozo etmoqda.

Yuqoridagilardan kelib chiqib hamda Oʻzbekiston Respublikasi Prezidenti Sh.M. Mirziyoyev tomonidan "Parlamentimiz haqiqiy demokratiya maktabiga aylanishi, islohotlarning tashabbuskori va asosiy ijrochisi boʻlishi kerak” deb nomlangan maʼruzasida belgilab berilgan ustuvor vazifalarning soʻzsiz bajarilishini taʼminlash, mahalliy ijroiya hokimiyati organlarining faoliyati ustidan samarali jamoatchilik va deputatlik nazoratini amalga oshirish, siyosiy partiyalarning mahalliy kengashlari ishini jonlantirish maqsadida, "Mahalliy davlat hokimiyati toʻgʻrisida”gi Oʻzbekiston Respublikasi Qonunining 6-moddasiga muvofiq, xalq deputatlari Amudaryo tuman Kengashi

QAROR QILADI:

1. Oʻzbekiston Respublikasi Prezidenti Sh.M. Mirziyoyevning 2017-yil 12 iyulda boʻlib oʻtgan videoselektor yigʻilishidagi "Parlamentimiz haqiqiy demokratiya maktabiga aylanishi, islohotlarning tashabbuskori va asosiy ijrochisi boʻlishi kerak” deb nomlangan maʼruzasidan kelib chiqadigan ustuvor vazifalar ijro uchun qabul qilinsin.

2. Maʼruzadan kelib chiqadigan ustuvor vazifalarni amalga oshirishda quyidagilar xalq deputatlari Amudaryo tuman Kengashi faoliyatining asosiy yoʻnalishlari etib belgilansin:

tumanning ijtimoiy-iqtisodiy hayotiga daxldor masalalarni hal etish borasidagi tashabbuskorlikni oshirish, aholini oʻylantirayotgan hayotiy dolzarb muammolarni bartaraf etish yuzasidan choralar koʻrish va ijrosini jadallashtirish;

yoshlar bilan ishlash, ayniqsa uyushmagan yoshlarning bandligini taʼminlash, ularni kasbga oʻrgatish borasida tuman bandlikka koʻmaklashish markazi, tegishli tashkilot va korxonalar tomonidan amalga oshirilayotgan chora-tadbirlarning samaradorligini baholab borish;

oilalardagi ajrimlarni va farzandlar tarbiyasiga salbiy taʼsir koʻrsatuvchi boshqa omillarni aniqlab, ularni bartaraf qilish borasida tuman xotin-qizlar koʻmitasi va boshqa manfaatdor tashkilotlar bilan birgalikda taʼsirchan choralar amalga oshirilishiga koʻmaklashish va bu borada jamoatchilik nazoratini amalga oshirish;

aholiga, ayniqsa, qishloq aholisiga koʻrsatilayotgan birlamchi tibbiy-sanitariya yordami sifatini oshirish, tez tibbiy yordam xizmatini oʻz vaqtida va uzluksiz koʻrsatish, tumandagi tibbiyot muassasalarini malakali shifokor kadrlar bilan taʼminlash, ularning qoʻnimsizligi sabablarini chuqur tahlil qilgan holda tuman tibbiyot birlashmasi tomonidan taʼsirchan va samarali chora-tadbirlarni amalga oshirish ishlari ustidan deputatlik nazoratini kuchaytirish;

ichki ishlar boʻlimi va uning hududlardagi profilaktika inspektorlari hamda "mahalla posboni” jamoatchilik tuzilmasi tomonidan tumanda jinoyatchilikning oldini olish, ayniqsa, oʻgʻirlik va bezorilik kabi jinoyatlarni mahalla faollari va jinoyat sodir etgan shaxsning yaqinlari, shuningdek tegishli hududdan saylangan deputat ishtirokida muhokama qilish ustidan deputatlik nazoratini amalga oshirish;

tumanni ijtimoiy-iqtisodiy rivojlantirishga oid masalalar yuzasidan qarorlar qabul qilishda keng jamoatchilik muhokamasini tashkil etish va koʻrib chiqilayotgan masalalar yuzasidan aholining fikrini har tomonlama oʻrganish;

xalq deputatlari Amudaryo tuman Kengashi, doimiy komissiyalari hamda siyosiy partiya guruhlari faoliyatini har tomonlama yoritishda ommaviy axborot vositalari bilan hamkorlikni kengaytirish, xalq deputatlari tuman Kengashining rasmiy veb-saytida deputatlar faoliyatiga doir materiallarni muntazam joylashtirib borish.

3. Har oyning birinchi juma kuni doimiy komissiyalar yigʻilishlari oʻtkaziladigan kun va birinchi shanba kuni tuman Kengashi sessiyasi oʻtkaziladigan kun sifatida belgilansin.

4. Oʻzbekiston Respublikasi Prezidenti Sh.M. Mirziyoyevning 2017-yil                   12-iyulda boʻlib oʻtgan videoselektor yigʻilishidagi "Parlamentimiz haqiqiy demokratiya maktabiga aylanishi, islohotlarning tashabbuskori va asosiy ijrochisi boʻlishi kerak” deb nomlangan maʼruzasidan kelib chiqadigan ustuvor vazifalar yuzasidan xalq deputatlari Amudaryo tuman Kengashining chora-tadbirlar rejasi (keyingi oʻrinlarda chora-tadbirlar rejasi deb yuritiladi) mazkur qarorga 1-ilovaga muvofiq tasdiqlansin.

5. Chora-tadbirlar rejasida belgilangan tadbirlarning oʻz vaqtida va samarali amalga oshirilishini monitoring hamda nazorat qilish boʻyicha ishchi guruh tarkibi mazkur qarorga 2-ilovaga muvofiq tasdiqlansin.

Ishchi guruh chora-tadbirlar rejasida belgilangan tadbirlar amalga oshirilishining holati yuzasidan xalq deputatlari Amudaryo tuman Kengashiga har hafta maʼlumot kiritib borsin.

6. Xalq deputatlari Amudaryo tuman Kengashining doimiy komissiyalari Kengash faoliyatining asosiy yoʻnalishlaridan kelib chiqqan holda:

bir haftalik muddatda oʻz ish rejalarini qayta koʻrib chiqsin va tasdiqlash uchun kiritsin;

hududning ijtimoiy-iqtisodiy hayotidagi dolzarb masalalar qoida tariqasida dastlab oʻz majlislarida atroflicha muhokama qilinishi, bunda siyosiy partiyalar vakillarining muxokamaga kiritilayotgan masala yuzasidan fikrlari va xulosalari inobatga olinishi va keyinchalik sessiyalarda koʻrib chiqilishi borasida tashabbuskorlikni kuchaytirsin;

oʻzlari masʼul etib belgilangan sohalarga oid qonun hujjatlari, hududiy dasturlar, halq deputatlari Amudaryo tuman Kengashi qarorlarining ijro etilishini taʼminlash yuzasidan tizimli nazorat oʻrnatsin.

7. "Adolat” sotsial-demokratik partiyasining xalq deputatlari Amudaryo tuman Kengashida deputatlik guruhini tashkil qilish toʻgʻrisidagi taklifi maʼqullansin.

8. Siyosiy partiyalarning Xalq deputatlari Amudaryo tuman Kengashidagi deputatlar guruhlariga quyidagilar tavsiya etilsin:

oʻz siyosiy partiyasining ustuvor maqsad va vazifalaridan kelib chiqqan holda hududni ijtimoiy-iqtisodiy rivojlantirishga qaratilgan takliflar ishlab chiqish va tashabbuskorlikni tubdan kuchaytirish;

tegishli mahalliy ijroiya hokimiyati organlari bilan tizimli va doimiy hamkorlikni yoʻlga qoʻyish, ularning faoliyati ustidan samarali deputatlik nazoratini amalga oshirish;

oʻz siyosiy partiyasi elektorati bilan muloqotni kuchaytirish hamda saylovoldi dasturining ijrosi boʻyicha elektorat oldida, shu jumladan ommaviy axborot vositalari orqali muntazam hisobot berib borilishini taʼminlash;

sessiyalarga koʻrib chiqish uchun kiritilayotgan masalalarni oʻz siyosiy partiyasi elektorati manfaatlaridan kelib chiqib atroflicha oʻrganib borish, ular boʻyicha qatʼiy printsipial pozitsiyani namoyon etish.

9. Amudaryo tuman hokimligi (S.Yoʻldashev):

siyosiy partiyalarning tuman kengashlari bilan birgalikda ularning moddiy-texnika bazasi holatini oʻrganib chiqib, uni mustahkamlash, orgtexnika vositalari holatini yaxshilash, siyosiy partiyalarning internet tarmoqlariga ulanishi imkoniyatini kengaytirish boʻyicha amaliy yordam koʻrsatsin;

siyosiy partiyalar tuman kengashlarining tegishli mahalliy ijroiya hokimiyati organlari bilan tizimli va doimiy ishlashi borasida zarur sharoitlarni yaratib bersin;

deputat soʻrovlari tegishli mahalliy davlat hokimiyati va boshqaruvi organlari hamda ular mansabdor shaxslari tomonidan belgilangan muddatlarga qatʼiy rioya qilingan holda atroflicha koʻrib chiqilishini taʼminlasin.

10. Siyosiy partiyalarning tuman tashkilotlariga quyidagilar tavsiya etilsin:

xalq deputatlari Amudaryo tuman Kengashida boʻshab qolgan deputatlik oʻrinlarga siyosiy saviyasi yuqori, faol va halq orasida obroʻ-eʼtibor qozongan oʻz partiyasi nomzodlarini tavsiya qilib borish;

oʻz elektoratiga bergan vaʼdalarini va tegishli siyosiy partiyaning saylovoldi dasturini toʻla va samarali bajarilishini taʼminlash choralarini koʻrish;

amaldagi qonunlarning ijrosini hudud misolida tanqidiy tahlil qilib borish va qonunlarga aholini qiynayotgan dolzarb muammolarni hal etishga qaratilgan qoʻshimcha va oʻrgartishlar kiritish yuzasidan tegishli siyosiy partiyaning markaziy Kengashiga takliflar taqdim etib borish;

siyosiy partiyaning ustuvor maqsad va vazifalaridan kelib chiqib, mahalliy ijroiya hokimiyati organlari bilan tizimli va doimiy hamkorlikni yoʻlga qoʻyish;

yoshlarga, ayniqsa, uyushmagan yoshlarga eʼtiborni kuchaytirish, talaba va oʻquvchi yoshlarda siyosiy bilimlarni oshirish choralarini koʻrish, bu borada tuman hokimining yoshlar masalalari boʻyicha oʻrinbosari, Oʻzbekiston yoshlar ittifoqi bilan yaqindan hamkorlik oʻrnatish;

halq deputatlari Amudaryo tuman Kengashidagi tegishli deputatlar guruhi bilan tizimli hamkorlik oʻrnatish, siyosiy partiyaning maqsad va vaziflaridan kelib chiqib, deputatlar guruhiga koʻrib chiqish uchun asoslangan takliflar kiritib borish.

11. Oʻzbekiston ekologik harakatining Qoraqalpogʻiston Respublikasi hududiy Kengashiga:

aholini, ayniqsa, chekka hududdagi aholini toza ichimlik suvi bilan taʼminlash;

maishiy chiqindilarni toʻplash, qayta ishlash va utilizatsiya qilish borasidagi ishlarning samaradorligini oshirish;

aholining ekologik madaniyatini oshirish, yosh avlod qalbida ona tabiatga mehr-muhabbat, unga daxldorlik hissini tarbiyalash masalalarini chuqur oʻrganib, tegishli takliflar ishlab chiqish tavsiya etilsin.

12. Ushbu qaror "Taraqqiyot koʻzgusi”gazetasida, xalq deputatlari tuman Kengashi va tuman hokimligining rasmiy veb-saytlarida eʼlon qilinsin.

13. Ushbu qarorning ijrosini nazorat qilish xalq deputatlari Amudaryo tuman Kengashi raisi zimmasiga yuklatilsin.

14. Ushbu qaror qabul qilingan kundan eʼtiboran kuchga kiradi.

Xalq deputatlari Amudaryo
tuman Kengashi raisi:                                   S.Yoʻldashev

Xalq deputatlari Amudaryo tuman Kengashining 2017-yil 25-iyuldagi
124/34-05 - sonli qaroriga

1-ilova

Oʻzbekiston Respublikasi Prezidenti Sh.M.Mirziyoyevning 2017-yil 12-iyulda boʻlib oʻtgan videoselektor majlisidagi "Parlamentimiz haqiqiy demokratiya maktabiga aylanishi, islohotlarning tashabbuskori va asosiy ijrochisi boʻlishi kerak” deb nomlangan maʼruzasidan kelib chiqadigan ustuvor vazifalar yuzasidan

xalq deputatlari Amudaryo tuman Kengashining

ChORA-TADBIRLAR REJASI