9-aprel – Qoraqalpogʻiston Respublikasi Konstitutsiyasi qabul qilingan kun
FAROVON TURMUShIMIZ ASOSI
Oʻzbekiston Respublikasi mustaqillikka erishganidan keyin Qoraqalpogʻiston ham Oʻzbekiston Respublikasi tarkibiga kiradigan suveren demokratik Respublika, deb eʼlon qilindi.
Qoraqalpogʻiston Respublikasining Konstitutsiyasi 1993-yil 9-aprel kuni Qoraqalpogʻiston Respublikasi Oliy Kengashining 12-sessiyasida qabul qilindi.
Qoraqalpogʻistonning Oʻzbekiston Respublikasi tarkibidagi suveren demokratik davlat sifatidagi maqomi mazkur Konstitutsiyada tantanavor mustahkamlab qoʻyilganligi, Respublika Oliy Kengashi tomonidan suveren Qoraqalpogʻiston Respublikasi Konstitutsiyasi qabul qilingan kun – 9-aprel – Qoraqalpogʻiston Respublikasining Konstitutsiyasi kuni deb eʼlon qilingani quvonchli tarixiy hodisa boʻldi.
Oʻzbekiston Respublikasi Konstitutsiyasiga binoan Oʻzbekiston Respublikasining butun hududida yagona fuqarolik oʻrnatilgan. Shuning uchun Qoraqalpogʻiston Respublikasi fuqarosi, ayni vaqtda, Oʻzbekiston Respublikasining fuqarosi hisoblanadi (21-modda). Bunday qoida Oʻzbekiston Respublikasining «Fuqarolik toʻgʻrisida»gi qonunida ham mustahkamlangan (2-modda).
Demokratik huquqiy davlatning eng muhim belgilaridan biri – barcha fuqarolarning qonun oldida tengligi, Konstitutsiya va qonunlarning ustunligini taʼminlashdir.
Qoraqalpogʻiston Respublikasi Konstitutsiya va qonunlarining Oʻzbekiston Respublikasi Konstitutsiyasiga mos kelishiga qoʻyiladigan talab Oʻzbekiston va Qoraqalpogʻistonning davlat-huquqiy munosabatlari xususiyatlaridan, Qoraqalpogʻistonning Konstitutsiyaviy – huquqiy maqomidan kelib chiqadi.
Yuqoridagilardan kelib chiqib, shuni taʼkidlash mumkinki, mustaqil Oʻzbekiston Respublikasi tarkibidagi Qoraqalpogʻiston huquqiy tizimining shakllanishi va rivojlanishida Oʻzbekiston Respublikasi Konstitutsiyasining rolini nazariy va amaliy jihatdan oʻrganish hamda koʻrsatib berish muhim ahamiyatga ega masala hisoblanadi.
Xulosa qilib aytganda, Qoraqalpogʻiston Respublikasining Konstitutsiyasi xalqimizning osoyishtaligi, erkin hayot kechirishi garovidir.
Fursatdan foydalanib, tumanimizning barcha fuqarolarini Qoraqalpogʻiston Respublikasi Konstitutsiyasi kuni bayrami bilan muborakbod etaman.
Ilhom Nurullayev, tuman hokimligi huquqshunosi.
(Foto - sovminrk.gov.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
