SAODAT
Manğit şahrining "Böston” mahallasi "Nurli yöl” köçasida istiqomat qiluvçi Ortiqboy Şomurodovning oilasi uçun joriy yilning mart oyi haqiqiy bayramlar oyi. Boisi, 8-mart – Xalqaro xotin-qizlar kuni, Navröz bayramidan taşqari bu yil 5-martda Ortiqboy aka va Omongul Jumageldiyevalarning turmuş qurişganiga 40-yil töldi. 11-mart – Ortiqboy akani dunyoga keltirgan, tabarruk yoşga yetgan onasining tavallud kuni.
– Aslida tinç-totuv, osoyişta ötayotgan har bir kunimiz bayramday, – deydi şukronalik bilan Ortiqboy aka.
Ha, u öz hayotidan, farzandlari kamolidan har qança faxrlansa arziydi. U oilada sakkiz nafar farzandning biri edi. Turkman millatiga mansub bölsa-da, darslar özbek tilida öqitiladigan maktabda, keyin oliygohda öqidi, mutaxassislikni puxta egalladi. Bir umr poçta aloqasi, telekommunikatsiya sohasida işladi. 1998-yildan 2002-yilgaça tuman poçta aloqasi bölimiga, 2002-yildan to şu kungaça tuman telekommunikatsiya tarmoğiga rahbarlik qilib kelmoqda. 7 nafar farzandning otasi. Ularni ham turmuş örtoği Omongul opa bilan el koriga yaraydigan insonlar qilib voyaga yetkazişdi, biri hamşira, biri "Özbekiston poçtasi” AJ tuman bölimida, turli korxona, taşkilotlarda mehnat qilişadi. Bari maslahatlaşib, turli sabablar bahona uyida yiğilişib qolganida, Ortiqboy akaning, Omongul opaning atrofi nevaralarga tölib, köngillari toğday kötarilib ketadi.
Ortiqboy Şomurodovning ota-onasi 1947-yilda Turkmanistondan köçib kelib, şu yerda turğun yaşab qolişgan ekan.
– Otam ikkinçi jahon uruşi nogironi bölsa-da, 27-yil obodonlaştiriş bölimida işlab, nafaqaga çiqqan edi. Biz 8 nafar farzand hammamiz şu yerda tuğilib, şu yerda voyaga yetib, oilali böldik. Heç kimdan kam joyimiz yöq. Tuğişganlarimning ham, farzandlarimning ham turmuşidan könglim töq. Qöni-qöşni, mahalladoşlarimiz ahil, hamjihat. Şu el bilan yaqin qarindoş bölib ketdik, – deydi u mamnuniyat bilan.
Ortiqboy akaning turmuşidan faxrlanişi bejiz emas. Turmuş örtoği Omongul Jumageldiyeva ham tuman Obodonlaştiriş boşqarmasida, "Matbuot tarqatuvçi” aktsiyadorlik jamiyatida işlab nafaqaga çiqdi, şu kungaça oilasida, tuğişganlarining yaxşi kunlarida, töylarida şu el odamlari quvonçiga şerik böladi, saharlab xizmatga keladi. Özi ham imkon qadar el bilan bölişga intiladi.
– Turkmaniston davlatidan qarindoşlarimiz mehmonga kelişsa, turmuşimizga havas qilişadi, – deydi Omongul opa tölib-toşib. – Turkmaniston va Özbekiston davlatlari orasida özaro hamdöstlik aloqalari yana ham mustahkamlanayotganidan quvonadi.
Aslida ham insonning öz hayotidan mamnun bölib, rozi bölib yaşaşidan ortiq ulkan baxt bormi? Ana şunday uluğ saodat hammaga ham nasib etsin!
Oygul Rajabova.
Suratda: O.Şomurodov oila aʼzolari bilan.
M.Şomurodov olgan surat.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶