Savol bering, javob qaytaramiz
Savol: - Aytaylik, bir fuqaroga yoshga doir pensiya tayinlandi. Barcha hisob-kitoblar va hujjatlarni rasmiylashtirish ishlari amalga oshirildi. Ammo oradan bir qancha vaqt oʻtib, pensiya oluvchiga pensiyasi notoʻgʻri hisoblanganligi natijasida uning ortiqcha pensiya olayotganligi maʼlum qilinadi va ortiqcha toʻlangan pulni oʻsha pensionerning pensiyasidan ushlab qolish boshlanadi. Buni qanday tushunish mumkin?
Javob: - Oʻzbekiston Respublikasi Vazirlar Mahkamasining 2011-yil 8-sentyabrdagi 252-sonli qarori bilan tasdiqlangan Davlat pensiyalarini tayinlash va toʻlash tartibi toʻgʻrisidagi Nizomning 201-bandida: Pensiya olish huquqini amalga oshirish uchun zarur boʻlgan hujjatlarning - ish staji toʻgʻrisida, amaldagi ish haqi toʻgʻrisida va shu kabilarning ishonchliligi va asoslanganligi uchun ushbu hujjatlarni bergan tashkilotning mansabdor shaxsi hamda pensioner qonun hujjatlarida belgilangan tartibda javob berishi belgilangan.
Nizomning 202-bandiga koʻra ishonchsiz maʼlumotlar, pensiyaga boʻlgan huquqlarni amalga oshirish uchun zarur boʻlgan hujjatlardagi maʼlumotlarni buzuvchi tuzatishlar aniqlanganda, shuningdek pensiyalarni tayinlash va toʻlash uchun ish beruvchi yoki arxiv tomonidan berilgan yuqorida koʻrsatib oʻtilgan hujjatlar soxtalashtirilganda va qalbakilashtirilganda davlatga yetkazilgan zarar summasini undirish uchun javobgarlik qonun hujjatlarida belgilangan tartibda, ushbu hujjatlarni bergan tashkilotlar va arxivning mansabdor shaxslariga yuklanadi.
Pensioner tomonidan sodir etilgan suiisteʼmolliklar - ataylab notoʻgʻri maʼlumotlar bilan hujjatlar taqdim etilishi, boquvchisini yoʻqotganlik pensiyasi tayinlangan oila aʼzolari tarkibidagi oʻzgarishlar toʻgʻrisida maʼlumotlar taqdim etilmasligi natijasida unga pensiyalar summasining ortiqcha toʻlanishi tufayli davlatga yetkazilgan zararni toʻlash majburiyati pensionerga yuklanadi.
Nizomning 203-bandida esa, pensiyalar tayinlash va toʻlashni nazorat qilish Oʻzbekiston Respublikasi Moliya vazirligining Nazorat-taftish bosh boshqarmasi va Oʻzbekiston Respublikasi Moliya vazirligi huzuridagi byudjetdan tashqari Pensiya jamgʻarmasi tomonidan amalga oshiriladi, deb koʻrsatilgan.
Byudjetdan tashqari pensiya jamgʻarmasi tuman boʻlimi pensiya tayinlashda va pensiyalarni toʻlashdagi muammolarni hal qilishda Oʻzbekiston Respublikasining "Fuqarolarning davlat pensiya taʼminoti toʻgʻrisida”gi Qonuniga, Oʻzbekiston Respublikasi vazirlar mahkamasining Davlat pensiyalarini tayinlash va toʻlash tartibi toʻgʻrisidagi Nizomiga va boshqa hukumat qarorlariga asosan ish koʻradi.
Savolga Byudjetdan tashqari pensiya jamgʻarmasi tuman boʻlimi pensiya va nafaqalarni tayinlash guruhi rahbari Akram Ahmedov javob berdi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
