BUYuKLAR HECh QAChON OʻLMAYDI!
2016-yilning 2 sentyabrida xalqimiz ogʻir judolikka uchradi – elim, yurtim deb yonib yashagan, xalqimizni bugungiday ozod, obod, farovon va tinch-osoyishta kunlarga yetkazgan, ona Vatanimiz baxtu-iqboli va buyuk kelajagi yoʻlida xizmat qilishni eng oliy saodat deb bilgan Yurtboshisidan judo boʻldi. Shu munosabat bilan mamlakatimizda 2016-yilning 3-sentyabridan uch kunlik motam eʼlon qilindi. Oʻzbekiston Respublikasining Birinchi Prezidenti Islom Karimov vafoti munosabati bilan mamlakatimizning barcha hududlarida motam marosimlari oʻtkazildi.
3-5-sentyabr kunlari tuman hokimligi binosida Oʻzbekiston Respublikasining Birinchi Prezidenti Islom Abdugʻaniyevich Karimov vafoti munosabati bilan motam marosimi boʻlib oʻtdi. 3-sentyabr kuni erta tongdanoq korxona, tashkilot va taʼlim muassasalari vakillari, nuroniylar va yoshlar, oʻquvchilar, keng jamoatchilik Yurtboshimizga hurmat-ehtiromini izhor etish uchun tuman hokimligi binosiga kelib, Prezidentimizning portreti poyiga gulchambarlar qoʻyib, taʼzim ila hurmat bajo keltirdilar, "Xotira kitobi”ga oʻzlarining dil izhorlarini, taʼziyalarini yozib qoldirdilar.
Bu yerda xalqimizning mustaqillik yillarida Yurtboshimiz rahnamoligida erishgan ulkan yutuq va marralarini, farovon hayotini aks ettiruvchi suratlar, davlatimiz rahbarining kitoblari ham joy olganligi tashrif buyuruvchilar qalbiga oʻz Prezidenti siymosini yana ham mustahkam joyladi.
Aziz Otamiz, Yoʻlboshchimiz, butun mamlakat bolalarini oʻz bolam, deb suygan fidoyi, bagʻrikeng, mehribon va buyuk inson Islom Karimov garchi oramizda jisman yoʻq boʻlsa-da, qalblarimizda mangu yashaydi. Chunki buyuklar hech qachon oʻlmaydi!
Oygul RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
