FAN OYLIKLARI – DARS SAMARADORLIGINI OShIRIShDA MUHIM VOSITA
Tezkor zamonamizga mos tarzda ilm-fan shiddat bilan rivojlanayotgan bugungi kunda bolalarga puxta boshlangʻich bilim berish muhim ahamiyat kasb etmoqda. Oʻquvchilarga fan asoslarini chuqur singdirib borishda, fanlarga qiziqishini oshirishda fan oyliklarining, interfaol usullarda oʻtilgan darslarning oʻrni juda ulkan.
Bizning 44-sonli maktabimizda har bir fan oyligi maxsus tuzilgan reja asosida, puxta tayyorgarliklar bilan oʻtkaziladi.
Shu oʻrinda men fevral oyida matematika va informatika fan oyligini oʻtkazishdagi oʻz tajribalarimni aytadigan boʻlsam, avvalo boshlangʻich uslub birlashmada ham rejalar tuzilib, shu rejalar asosida ishlar amalga oshirildi. Fevral oyining birinchi haftasida maktab va fan xonalari jihozlanib, koʻrgazmalar tashkil qilindi. 1-sinfdan to 4-sinf oʻquvchilari orasida kirish testlari olinib, oʻquvchilar bilimidagi boʻshliqlar toʻldirilib borildi. Ikkinchi haftasida har bir sinfda ochiq darslar tashkil qilindi. Oyning uchinchi haftasida har bir sinfda matematika faniga bagʻishlangan turli xil mavzularda: "Hisob – aql qayrogʻi”, "Matematika – fanlarning shohi”, "Biz buyuk bobolar avlodlarimiz”, "Riyoziyot bayrami” deb nomlangan matematikaga oid kechalar, bellashuvlar oʻtkazildi va gʻoliblar ragʻbatlantirib borildi.
Bunday matematika kechalarining oʻtkazilishi oʻquvchilarning fanga boʻlgan qiziqishini tobora orttirib, dars samaradorligini oshirmoqda.
Oyning oxirgi haftasida 1-sinfdan to 4-sinf oraligʻidagi oʻquvchilardan chiqish testlari olinib, oʻquvchilar bilimidagi boʻshliqlar toʻldirilib borildi. Oʻquvchilarning fanni qanchalik oʻzlashtirganligi shu chiqish testlari orqali aniqlandi.
Bunday fan oyliklarining oʻtkazilishi oʻquvchilarning fanga boʻlgan qiziqishini tobora orttirib, dars samaradorligini oshirishda katta ahamiyatga ega. Shuning uchun har bir fan oyligidan mazkur fanga oʻquvchilarning qiziqishlarini oshirishda unumli foydalanish lozim.
Qurbonoy MATYoQUBOVA, 44-sonli maktab
oʻqituvchisi.
(Foto - http://shkola1.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
