“Kamolot”ning loyihalari va tanlovlari IQTIDORLI YoShLARNI KAShF ETMOQDA
Mamlakatimizda oʻsib kelayotgan yosh avlodni har tomonlama yetuk va barkamol insonlar qilib voyaga yetkazish, ularning intellektual salohiyatini yuzaga chiqarish, oʻqish, dam olish, yashash sharoitlarini jahon andozalari darajasiga koʻtarish, sport bilan shugʻullanishlari, kasb-hunar egallashlari hamda tadbirkorlik sohasida faoliyat yuritishlari uchun zarur qonuniy asoslar yaratilgan. Aynan shu maqsadda turli xil tanlovlar tashkil etilib, gʻoliblar uchun turli mazmundagi imtiyozlarning berilishi – yoshlarning, xususan, tumanimiz yoshlarining hayotida muhim ahamiyat kasb etmoqda.
2016 yilning 25-fevral kuni Amudaryo akademik litseyida "Oʻzbekiston Respublikasida 2016-yilda yoshlarga oid davlat siyosatini amalga oshirishga qaratilgan qoʻshimcha chora-tadbirlar dasturi”da belgilangan vazifalar ijrosini taʼminlash va yoshlarni tadbirkorlikka keng jalb qilish maqsadida "Mening biznes gʻoyam” va "Yosh tadbirkor - yurtga madadkor” tanlovlarining targʻibot-tashviqot tadbirlari tashkil etilishi ham tumanimiz yoshlarining oʻz iqtidorlarini namoyon etishlarida muhim omil boʻldi. Tadbirda harakatning Qoraqalpogʻiston Respublikasi Kengashi mutaxassislari, tadbirkorlik yoʻnalishi boʻyicha valantyorlar va tumanimizdagi oʻrta maxsus, kasb-hunar maskanlari bitiruvchilari ishtirok etishdi. Tadbirda "Mening biznes gʻoyam” va "Yosh tadbirkor - yurtga madadkor” tanlovlarining oʻtkazilish shartlari haqida tushunchalar berildi. Jumladan, Qoraqalpogʻiston Respublikasi va Oʻzbekiston Respublikasi bosqichlarida faol ishtirok etgan tanlov ishtirokchilariga Respublikamizdagi banklar tomonidan imtiyozli kreditlar ajratilib, kredit foizi "Kamolot” yoshlar ijtimoiy harakati tomonidan toʻlab berilishi haqida batafsil maʼlumotlar berildi.
"Oʻzbekiston Respublikasida 2016-yilda yoshlarga oid davlat siyosatini amalga oshirishga qaratilgan qoʻshimcha chora-tadbirlar dasturi” ijrosini taʼminlash va oʻquvchilarning maʼnaviy-axloqiy tarbiyasini yanada yaxshilash, ularning boʻsh vaqtlarini mazmunli oʻtkazish, turli huquqbuzarliklarning oldini olish, mahallalarda yashovchi yoshlar orasida oʻzaro madaniy sport aloqalarini yoʻlga qoʻyish, yoshlarni sport musobaqalariga keng jalb qilish hamda sportning shaxmat turini rivojlantirish, shu orqali yoshlari orasidan isteʼdodli shaxmatchilarni izlab topish va ularni qoʻllab-quvvatlash maqsadida "Kamolot” yoshlar ijtimoiy harakati tuman Kengashi, tuman madaniyat va sport ishlari boʻlimi, "Mahalla” xayriya jamoat fondining tuman boʻlinmasi, tuman XTMFMTTEB bilan hamkorlikda 2016-yilga moʻljallangan qoʻshma qaror qabul qilindi. Ushbu qoʻshma qaror asosida Harakatning tuman Kengashi tomonidan "Kamolot shaxmat taxtasi” turnirining birinchi bosqichlari va tuman bosqichi oʻtkazildi.
"Kamolot shaxmat taxtasi” turnirining tuman bosqichi 2016-yilning 24-fevral kuni tumandagi 2-sonli Bolalar va oʻsmirlar sport maktabida oʻtkazildi. Musobaqaga tuman hududiy bosqichlarida gʻoliblikni qoʻlga kiritgan 6-8, 9-11, 12-14, 15-16, 17-19 yosh toifalarida oʻgʻil va qiz bolalardan 70 nafar yosh havaskor shaxmatchilar qatnashdilar.
Musobaqa gʻoliblari tashkilotchilar tomonidan diplom va sovgʻalar bilan taqdirlandi.
M.OʻROZBOYeV,
"Kamolot” YoIHning tuman Kengashi raisi.
(Foto - http://www.sammi.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
