Xalq deputatlari Amudaryo tuman Kengashining yettinchi sessiyasi toʻgʻrisida AXBOROT

Shu yil 30-oktyabr kuni tuman hokimligida xalq deputatlari tuman Kengashining yettinchi sessiyasi boʻlib oʻtdi. Sessiyada tuman hokimi oʻrinbosarlari, hokimlik masʼul xodimlari, huquq-tartibot organlari va boʻlimlar, jamoat tashkilotlari rahbarlari, kasb-hunar kollejlari direktorlari, tuman fermerlari Kengashi, qishloq va suv xoʻjaligi, yer resurslari va davlat kadastri boʻlimlari, fuqarolarning oʻzini oʻzi boshqarish organlari raislari hamda ommaviy axborot vositalari vakillari ishtirok etdilar

Sessiyani 26-sonli, "Daryoboʻyi” saylov okrugidan deputat R.Roʻzmetov ochdi va boshqarib bordi.

Sessiya kotibligiga 8-sonli "Boʻston” saylov okrugidan deputat X.Oʻrazaqov saylandi.

Sessiya kun tartibiga quyidagi masalalar havola etildi:

1. Oʻzbekiston Respublikasi Prezidentining 2013-yil 19-apreldagi "2013-2017-yillar davrida sugʻoriladigan yerlarning meliorativ holatini yanada yaxshilash va suv resurslaridan oqilona foydalanish chora-tadbirlari toʻgʻrisida”gi PQ-1958-sonli qarorining ijrosi yuzasidan tuman qishloq va suv xoʻjaligi boʻlimi boshligʻi A.Yuldashevning hisoboti haqida.

2. Oʻzbekiston Respublikasi Prezidentining 2014-yil 1-avgustdagi "2014-2018-yillarda Oʻzbekistonda aholining reproduktiv salomatligini yanada mustahkamlash, onalar, bolalar va oʻsmirlar sogʻligini muhofaza qilish borasidagi davlat dasturi toʻgʻrisida”gi PQ-2221-sonli qarorining ijrosi yuzasidan tuman hokimi oʻrinbosari, xotin-qizlar qoʻmitasi raisi M.Axmedovaning hisoboti haqida.

3. Oʻzbekiston Respublikasi Oliy Majlisi Senati Raisining 2015-yil 29-sentyabrdagi №01-10/522-sonli xati bilan joʻnatilgan "Xalq deputatlari mahalliy Kengashlarining 2015-yilning oʻtgan davridagi faoliyati, jumladan "Keksalarni eʼzozlash yili” davlat dasturining ijrosini taʼminlashdagi ishtirokini oʻrganishda aniqlangan kamchiliklarni bartaraf etish yuzasidan tavsiyalar” toʻgʻrisida.

4. Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasining 2015-yil 30-sentyabrdagi №11-07/523-sonli xati bilan joʻnatilgan "Qoraqalpogʻiston Respublikasi Joʻqorgʻi Kengesi va xalq deputatlari mahalliy Kengashlarining 2015-yilning oʻtgan davridagi faoliyati, jumladan "Keksalarni eʼzozlash yili” davlat dasturining ijrosini taʼminlashda xalq deputatlari mahalliy Kengashlarining ishtiroki natijalarini oʻrganish yuzasidan maʼlumotnoma” toʻgʻrisida.

5. Oʻzbekiston Respublikasi Oliy Majlisi Senati Kengashining 2015-yil 25-sentyabrdagi "Xususiy mulk huquqini himoya qilishga, tadbirkorlik subʼektlarining xoʻjalik va moliyaviy faoliyatiga qonunga xilof ravishda aralashganlik uchun davlat organlari, huquqni muhofaza qilish va nazorat organlari mansabdor shaxslarining javobgarligini kuchaytirishga doir qonun hujjatlari talablarining ijro etilishini nazorat qilish boʻyicha Senat qoʻmitalarining xalq deputatlari mahalliy Kengashlari bilan oʻzaro hamkorlik dasturi toʻgʻrisida”gi № KQ-48-III-sonli qarori haqida.

6. Amudaryo tumani mahalliy byudjetining 2015-yil ikkinchi va uchinchi chorakdagi ijrosi toʻgʻrisida.

Sessiya kun tartibidagi birinchi masala yuzasidan tuman qishloq va suv xoʻjaligi boʻlimi boshligʻi A.Yuldashevning, ikkinchi masala yuzasidan tuman hokimi oʻrinbosari, tuman xotin-qizlar qoʻmitasi raisi M.Ahmedovaning hisobotlari tinglandi.

Shundan soʻng sessiya kun tartibidagi uchinchi masala yuzasidan tayyorlangan axborotni deputat R.Roʻzmetov, toʻrtinchi masala yuzasidan tayyorlangan maʼlumotni deputat Gʻ.Yeshniyozovlar oʻqib eshittirdilar.

Deputat S.Nametov sessiya ishtirokchilarini sesiya kun tartibidagi beshinchi masala yuzasidan qaror loyihasi bilan tanishtirdi.

Sessiya kun tartibidagi oltinchi masala yuzasidan tuman moliya boʻlimi mudiri A.Abdijamilovning hisoboti tinglandi.

Tuman Kengashining yettinchi sessiyasida muhokama etilgan masalalar yuzasidan tuman Kengashining Agrar, suv xoʻjaligi masalalari va ekologiya boʻyicha doimiy komissiyasi raisi T.Boboniyozov, 14-Paxtakor saylov okrugidan deputat, tuman fermerlar Kengashi raisi O.Qurboniyozov, "Mangʻit - Nazarxon” ITB boshligʻi B.Davekov, "amudaryodavsuvmaxsuspudrat” DUK direktori R.Yusupov, tuman meliorativ tizimi boshligʻi Sh.Yusupov, tuman Kengashining ijtimoiy-madaniy rivojlanish hamda yoshlar siyosati va sogʻlom avlodni tarbiyalash masalalari boʻyicha doimiy komissiyasi raisi Sh.Yangiboyeva, tuman tibbiyot birlashmasi boshligʻi O.Halimov, "Kamolot” YoIH tuman Kengashi raisi M.Oʻrozboyev, 29 –Qangli saylov okrugidan deputat Z.Saparova, tuman xalq taʼlimi muassasalari faoliyatini metodik taʼminlash va tashkil etish boʻlimi mudiri A.Qoʻshayev, tuman davlat soliq inspekuiyasi boshligʻi J.Oʻrozmetov, tuman Kengashining mahalliy byudjetini shakllantirish va uni ijro etish, iqtisodiy islohotlarni amalga oshirish hamda tadbirkorlikni rivojlantirish masalalari boʻyicha doimiy komissiyasi raisi M.Kazakovlar soʻzga chiqdilar.

Sessiyada muhokama etilgan masalalar yuzasidan tegishli qarorlar qabul qilindi.

Shuning bilan xalq deputatlari tuman Kengashining yettinchi sessiyasi oʻz ishini yakunladi.

Tuman hokimligining axborot xizmati.