“Sarhad” jamoasi aʼzolari va ularning ota-onalari rağbatlantirildi

Yoş avlod tarbiyasi, ularning qalbida Vatanga bölgan muhabbat va sadoqat tuyğularini yuksaltiriş har bir jamiyatning eng muhim vazifalaridan biri hisoblanadi. Mamlakatimizning ertangi kuni, sarhadlarimiz daxlsizligi va osoyiştaligimiz aynan bugungi kunda kamol topayotgan yoşlarimizning qanday taʼlim-tarbiya olişiga bevosita boğliqdir. Şu maʼnoda, Qoraqalpoğiston Respublikasining turli hududlarida yoşlarni vatanparvarlik ruhida tarbiyalaş, ularning jismoniy va jangovar tayyorgarligini oşiriş maqsadida tizimli işlar amalga oşirilmoqda. Ana şunday ezgu saʼy-harakatlarning yorqin namunasini Amudaryo tumanidagi 17-sonli umumiy örta taʼlim maktabi faoliyati misolida yaqqol körişimiz mumkin. Uşbu taʼlim dargohi jamoasi yoş avlodga munosib taʼlim-tarbiya beriş, ularni bilimli, salohiyatli va eng asosiysi, öz yurtiga sadoqatli insonlar etib voyaga yetkaziş yönalişida salmoqli natijalarni qölga kiritib kelmoqda.

Bugungi kunda mazkur taʼlim muassasasida jami 366 nafar öquvçi tahsil olmoqda. Ularga öz kasbining fidoyilari bölgan 40 nafar malakali pedagog xodimlar tomonidan zamonaviy talablar va ilğor yondaşuvlar asosida taʼlim-tarbiya berilmoqda. Taʼkidlaş joizki, maktabda faoliyat yuritayotgan öqituvçilarning 22,5 foizi nufuzli xalqaro va milliy sertifikatlarga ega bölib, bu körsatkiç taʼlim sifatining tobora yuksalib borayotganidan dalolat beradi. Ustozlarning tinimsiz mehnati va izlanişlari öz natijasini körsatmoqda. Xususan, ötgan öquv yilida maktab bitiruvçilarining 30 foizi oliy taʼlim muassasalariga öqişga qabul qilinib, talabalik baxtiga muyassar böldilar va öz ustozlari hamda ota-onalarining umid va işonçini tölaqonli oqladilar.

Aynan mana şunday zahmatkaş pedagoglar mehnat qilayotgan va iqtidorli öquvçilar jamoasiga ega bölgan maktab hayotida yaqinda yana bir ulkan quvonçli voqea röy berdi. Joriy yilning 29-aprel kuni Qoraqalpoğiston Respublikasi böyiça öquvçi yoşlar örtasida ötkazilgan “Yoş çegaraçilar” harbiy sport musobaqasining respublika bosqiçida mazkur maktabning “Sarhad” jamoasi özining yuksak salohiyatini namoyiş qilib, munosib iştirok etdi. Uşbu nufuzli va murosasiz bellaşuvda tuman şaʼnini himoya qilgan yoşlarimiz faxrli 2-örinni egallaşga muvaffaq böldilar.

Uşbu ulkan muvaffaqiyatni keng nişonlaş va ğoliblarni munosib taqdirlaş maqsadida maktabda katta tantanali tadbir taşkil etildi. Tadbirga hududdagi harbiy qism masʼullari, maktab maʼmuriyati, ustoz-öqituvçilar, öquvçilar, “Sarhad” jamoasining aʼzolari hamda ularni doimo qöllab-quvvatlab kelayotgan ota-onalari taklif etildi. Maktabning keng hovlisi va sahnasi bayramona bezatilib, milliy kuy-qöşiqlarning jöşqin sadolari ostida tadbir iştirokçilari katta hurmat va ehtirom bilan kutib olindi.

Tadbirni maktab direktori kiriş sözi bilan oçib berar ekan, “Yoş çegaraçilar” musobaqasida erişilgan bu yuksak muvaffaqiyat nafaqat bir jamoaning, balki butun maktabning, ovul ahlining, qolaversa, butun tumanning çinakam şarafi ekanligini alohida taʼkidlab ötdi.

Aytiş joizki, mazkur musobaqa juda keskin kuraşlarga boy böldi. Respublika bosqiçida Qönğirot, Taxtaköpir, Şömanay, Xöjayli, Amudaryo va Taxiyatoş tumanlarining eng sara va kuçli jamoalari özaro bellaşdilar. Iştirokçilar özlarining jismoniy, maʼnaviy va harbiy tayyorgarliklarini 11 ta murakkab şart böyiça sinovdan ötkazdilar. Xususan, saf maydonida şaxdam qadamlar bilan yuriş, vatanparvarlik ruhidagi harbiy qöşiq aytiş, avtomatni qismlarga ajratiş va yiğiş, uzoq masofaga granata uloqtiriş, turnikda tortiliş, belgilangan masofaga tezkor yuguriş, yaradorlarga birinçi tibbiy yordam körsatiş hamda nazariy bilimlar sinovi kabi maşqlarda yoşlar öz mahoratlarini namoyiş etişdi. Quvonarlisi şundaki, “Sarhad” jamoasi aʼzolari barça bosqiçlarda özlarining beqiyos çidamliligi, irodasi, jasorati va jamoaviy jipsligi bilan hakamlar hayʼati va köpçilik tomoşabinlarning qizğin olqişiga sazovor böldilar.

Tantanali tadbir davomida “Sarhad” jamoasining har bir aʼzosiga esdalik sovğalari topşirildi. Yoşlar öz mehnati, tirişqoqligi va jasoratiga munosib tarzda taqdirlandi. Şu bilan birga, öz farzandlarini Vatanga çeksiz muhabbat ruhida tarbiyalab kelayotgan, ularning qalbida vatanparvarlik tuyğularini şakllantirişda katta hissa qöşgan ota-onalarga 17-sonli maktab maʼmuriyati va pedagogik jamoasi nomidan samimiy minnatdorlik bildirilib, maxsus taşakkurnomalar taqdim etildi.

Tadbir söngida sözga çiqqan jamoa murabbiysi hamda ota-onalar vakillari farzandlarining bunday ulkan muvaffaqiyati uçun taʼlim muassasasi maʼmuriyatiga, zahmatkaş ustozlarga va yaqindan yordam körsatgan harbiy qism xodimlariga özlarining çeksiz minnatdorçiliklarini izhor etdilar. Öz navbatida, “Sarhad” jamoasi aʼzolari kelgusida bölib ötadigan musobaqalarda bundanda yuqori natijalarni qayd etib, mutlaq ğoliblikni qölga kiritiş maqsadida astoydil tayyorgarlik körişlarini qatʼiyat bilan maʼlum qildilar.

Darhaqiqat, bugungi kunda şiddat bilan rivojlanib borayotgan jamiyatimizda yoş avlodni har tomonlama barkamol, jismonan baquvvat, maʼnan yetuk va çinakam vatanparvar insonlar qilib tarbiyalaşda bu kabi tadbirlarning, harbiy-vatanparvarlik yönalişidagi sport musobaqalarining örni va ahamiyati beqiyosdir. Amudaryo tumanidagi 17-sonli maktabda ötkazilgan mazkur tadbir ham aynan şu olijanob maqsadga, yaʼni Vatanga sadoqatli, uning sarhadlarini himoya qilişga doimo tayyor bölgan soğlom avlodni kamolga yetkazişdek buyuk vazifaga xizmat qilişi bilan ahamiyatlidir.