Jaloliddin Manguberdi nomidagi harbiy akademik litseyi mutaxassislari ishtirokida seminar-trening tashkillashtirildi
Mamlakatimizda har bir voyaga yetayotgan oʻgʻil bolani harbiy-vatanparvarlik ruhida tarbiyalash, ona Vatan himoyachisi boʻlishdek sharafli kasbga yoʻnaltirish borasida barcha shart-sharoitlar, zarur imkoniyatlar yaratilgan. Aynan ana shu maqsadda mamlakatimizda bir necha yoʻnalishlardagi oliy harbiy bilim yurtlari, harbiy akademik litseylar, maxsus ixtisoslashtirilgan maktablar faoliyat olib bormoqda.
Amudaryo tumanidagi 38-sonli umumtaʼlim maktabi binosida umumtaʼlim maktablari va ixtisoslashtirilgan maktablarning 9-sinf bitiruvchilari orasidan harbiy sohaga qiziquvchi iqtidorli oʻquvchilarni Jaloliddin Manguberdi nomidagi harbiy akademik litseyiga oʻqishga taklif qilish maqsadida mazkur akademik litseyning malakali mutaxassislari ishtirokida seminar-trening oʻtkazildi.
Seminar-treningda mazkur akademik litsey oʻqituvchilari va bir guruh oʻquvchilari, harbiy xizmatchilar hamda maktablarning chaqiriqqa qadar boshlangʻich tayyorgarlik fani oʻqituvchilari, shuningdek, 38-sonli maktabning 9-sinf oʻquvchilari ishtirok etdilar.
Tadbirda soʻzga chiqqanlar ishtirokchilarga mamlakatimizda faoliyat olib boruvchi oliy harbiy bilim yurtlari va ularga qabul qilish tartib-qoidalari haqida batafsil maʼlumotlar berdi. Shu bilan birga, Jaloliddin Manguberdi nomidagi harbiy akademik litseyida oʻquvchilar uchun yaratilgan shart-sharoitlar, taʼlim-tarbiya jarayonlari, nazariy va harbiy-amaliy mashgʻulotlar, sport-sogʻlomlashtirish ishlari jahon andozalari darajasida tashkil etilganligini alohida taʼkidlab, ayni paytda mazkur harbiy bilim yurtini tamomlab, mamlakatimizning turli hududlarida namunali xizmat qilayotgan harbiy zobitlar, taniqli qoʻmondonlar borligini mamnuniyat bilan qayd etdi.
Seminar-trening davomida mazkur harbiy akademik litsey faoliyati va Qurolli Kuchlar jangovarligi haqida hikoya qiluvchi videorolik namoyish etilib, targʻibot bukletlari tarqatildi. Shuningdek, chaqiriqqa qadar boshlangʻich tayyorgarlik fani oʻqituvchilari hamda oʻquvchi-yoshlar tomonidan tushgan savollar doirasida ochiq muloqot tashkil etilib, barcha savollarga harbiy akademik litsey oʻqituvchilari batafsil javoblar berdilar.
Shu kunning oʻzida harbiy akademik litsey mutaxassislari tumandagi 16-, 40-, 55-, 76- va 82-sonli maktablarda ham boʻlishib, mazkur maktablarning 9-sinf oʻquvchilari bilan uchrashdilar. Biri-biridan qiziqarli taassurotlarga boy oʻtgan uchrashuv tadbirlarida harbiy-vatanparvarlik mavzusidagi targʻibot-tashviqot suhbatlari olib borilib, 9-sinf bitiruvchilariga Qurolli Kuchlarimizning jangovar qudrati, ona Vatan himoyachisi boʻlishdek sharafli kasbning masʼuliyati haqidagi tushunchalar berildi hamda maxsus bukletlar tarqatildi.
Bu kabi targʻibot tadbirlari chaqiriqqa qadar boshlangʻich tayyorgarlik fani oʻqituvchilari va oʻquvchilarda katta taassurot qoldirdi hamda ular qalbida vatanparvarlik tuygʻularini yanada mustahkamladi.
Robiya Yoʻldosheva
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
